(جنید ریاض) پنجاب ٹیچرز یونین نے ضمنی انتخابات کےباعث تبادلوں پرلگائی گئی پابندی اٹھانے کیلئے سیکرٹری سکولز ایجوکیشن کو خط لکھ دیا۔
تفصیلات کے مطابق جنرل سیکرٹری پنجاب ٹیچرز یونین رانا لیاقت کی جانب سے سیکرٹری سکولز ایجوکیشن کو خط لکھا گیا ہے، خط کے متن میں کہا گیا ہے کہ پابندی صرف افسران کےتبادلوں پر عائد کی گئی اساتذہ پر نہیں، گریڈ 14 سے 16 تک اساتذہ کے تبادلوں سے پابندی اٹھائی جائے، پابندی سے اساتذہ شدید اضطراب کا شکار ہیں۔
خط میں سیکرٹری سکولز ایجوکیشن سے مطالبہ کیا گیا ہے کہ تبادلوں کے حوالے سے جاری لیٹر پر نظر ثانی کرکے دوبارہ تفصیلی مراسلہ سی ای اوز کو جاری کریں۔