سٹی 42: لاہور گرائمر سکول میں طالبات کے ساتھ جنسی ہراسگی کیس میں ایک نیا موڑ اُس وقت آیا جب پاکستانی ٹی وی انڈسٹری کے معروف اداکار عمیر رانا پر طالبات کی جانب سے جنسی طور پر ہراساں کرنے کا الزام عائد کیاگیا ۔ عمیر رانا ایل جی ایس لاہور میں ڈرامہ کی تعلیم دیتے ہیں۔
ان پر الزام عائد کرنے والی متعدد طالبات نے کہا ہے کہ عمیر رانا نے ڈرامہ کلاس پریکٹس کے دوران اپنی معیوب باڈی لینگوئج، دیکھنے کے گھن انگیز انداز اور جنسی ترغیبات پر مبنی غیر مناسب میسجز بھیجے۔اداکارا عمیر رانا اس الزام پر اب تک خاموش تھے لیکن اب ان کی جانب سے سخت الفاظ میں ان الزامات کی تردید کی گئی ہے اور سوشل میڈیا سائٹ ٹویٹر پر اپنے ایک پیغام میں انکا کہنا تھا کہ میں با خوبی واقف ہوں کہ ہراسگی ایک سنگین جرم ہے اور اس سے سختی سے نپٹنا چاہیے لیکن اسی وقت میں کسی انسان کی عزت اور ذاتیات کا بھی خیال رکھا جانا چاہیے اور بلا وجہ اسے داغدار بنا کر پیش نہیں کیا جانا چاہیے۔قانون اس حوالے سے ہمیں مکمل سہولت دیتا ہے اس لیے اب جو ضروری ہوا میں وہ قانونی اقدام اٹھا ئوں گا۔
Sexual harassment is a heinous crime and should be treated with the seriousness that it deserves. At the same time the dignity and respect of individuals must not be falsely tainted. The law provides remedies for all and I intend to take all steps necessary ...
— Omair Rana (@omairana) July 20, 2020
یا د رہے کہ عمیر رانا کی بیوی مائرہ رانا بھی ایل جی ایس انتظامیہ میں کام کرتی ہیں ان طالبات نے ان کے حوالے سے دعویٰ کیا ہے کہ جب بھی وہ ان کے پاس ان کے شوہر اور ایک سکول ٹیچر کی درخواست بطور انتظامیہ لے کر گئیں تو انہوں نے اس سب کو ان کے مختص لباس کا نتیجہ قرار دیتے ہوئے ان کو ڈانٹ ڈپٹ کی۔طالبات نے بتایا کہ مائرہ رانا نے انہیں آئندہ کوئی ایسی شکایت ان کے پاس نہ لانے کو کہا۔ ان پر اپنے شوہر کے جرم کو چھپانے اور بطور ایل جی ایس انتظامیہ کے فرد کے اپنے ادارے کے ملازم استاد کے غیر مناسب رویئے کی اعانت کا الزام عائد کیا گیا ہے۔