(قیصر کھوکھر) محکمہ داخلہ پنجاب نے ضرورت کی بنیاد پر عام شہریوں کو اسلحہ لائسنس دینے کا فیصلہ کر لیا۔
ذرائع کا کہنا ہے کہ محکمہ داخلہ نے اس حوالے سے و زیراعلیٰ کوایک سمری ارسال کی ہے کہ عام شہریوں کو بھی اسلحہ لائسنس دینے کی اجازت دی جائے، جس پر پنجاب حکومت نے اجازت دے دی ہے، جس کے بعد محکمہ داخلہ نے ضرورت کی بنیاد پر عام شہریوں کو اسلحہ لائسنس دینے کا فیصلہ کیا ہے۔
واضح رہے کہ اس سلسلہ میں ایڈیشنل چیف سیکرٹری ہوم کی سربراہی میں قائم کمیٹی یہ فیصلہ کرتی ہے، ڈپٹی کمشنرکی اسلحہ لائسنس دینے کی سفارش پرمحکمہ داخلہ حتمی منظوری دیتا ہے۔