سٹی 42:امیر جماعت اسلامی حافظ نعیم الرحمن کی قیادت میں جماعت اسلامی کا مہنگائی مکاؤ ٹرین مارچ سندھ سے پنجاب میں داخل ہوگیا۔
تفصیلات کے مطابق جماعت اسلامی کا ٹرین مارچ رحیم یار خان پہنچ گیا، جہاں امیر جماعت اسلامی حافظ نعیم الرحمن کی آمد کے موقع پر ریلوے اسٹیشن پر بدنظمی دیکھنے میں آئی۔
ذرائع کے مطابق صادق آباد ریلوے اسٹیشن پر مبینہ بھگدڑ کے دوران 6 موبائل فون چوری ہوگئے، جبکہ ریلوے اسٹیشن پر موجود مسافروں کو بھی پریشانی کا سامنا کرنا پڑا۔