(جیند ریاض)سمارٹ سلیبس کی کاپیاں پنجاب بھر کی اتھارٹیز کو فراہم کردیں گئیں، صوبائی وزیر تعلیم پنجاب ڈاکٹر مراد راس کا کہنا کہ سالانہ امتحانات میں محض 6 ماہ کا عرصہ رہ گیا،تاہم اس بات کو مدنظر رکھتے ہوئے پہلی سے دہم جماعت کا نصاب 40 فیصد کم کردیا گیا ہے ۔
تفصیلات کے مطابق صوبائی وزیر تعلیم پنجاب ڈاکٹر مراد راس کی سربراہی میں ایکسیلی ریٹیڈ لرننگ پروگرام کے تحت 36 اضلاع کے سی ای اوز، ڈی ایم اوز کو کتابیں فراہم کر دی گئیں۔ مراد راس کا کہنا ہے کہ 2021 کے سالانہ امتحانات میں مخض 6 ماہ کا عرصہ بچا ہے اور اس بات کو مدنظر رکھتے ہوئے نصاب کو کم کیا گیا ہے۔
سکول ایجوکیشن ڈیپارٹمنٹ پنجاب کی جانب سے سمارٹ سیلیبس متعارف کروایا گیا ہے۔انکا کہنا تھا کہ پہلی جماعت سے دسویں جماعت تک کے طالب علموں کے لیے نصاب میں کمی کی گئی ہے۔اے ایل پی بکس کی کاپیوں کو پنجاب کریکولم اینڈ ٹیکسٹ بک بورڈ کی ویب سائٹ سے بھی ڈاؤن لوڈ کیا جا سکتا ہے۔
واضح رہے کہ کورونا وائرس کی لہر میں تیزی پر سکولز بند کرنے کے حوالے سے صوبائی وزیر تعلیم مراد راس کا کہناتھا کہ کہ مڈل اور پرائمری سکول کھولنے کے شیڈول میں تبدیلی کا کوئی فیصلہ نہیں ہوا،کورونا وائرس کی صورتحال کا باریک بینی سے جائزہ لے رہے ہیں۔کورونا کی لہر میں تیزی اور سکولوں کے طلبا میں کورونا وائرس کی تصدیق کے باوجود حکومت کا مڈل کلاسیں شیڈول کے مطابق کھولنے پر اصرار ہے۔
کورونا کیسز میں اضافہ کے حوالے سے ٹویٹ کرتے ہوئے صوبائی وزیر تعلیم مراد راس کا کہنا تھا کہ کورونا وائرس کے کیسز بڑھنے پر مذکورہ سکولوں کو سیل کیا جا رہا ہے، طلباء اساتذہ اور ان کی فیملیز کی صحت ہر حال میں یقینی بنائیں گے۔
ANNOUNCEMENT:
— Murad Raas (@DrMuradPTI) September 19, 2020
There is NO change in schedule for opening of Schools. We are watching the Covid 19 situation very closely on a daily basis. We have sealed the schools where cases have been detected. Zero compromise on the health of our students, our teachers & their families.