ویب ڈیسک : ملک بھر میں موسمِ گرما کی تعطیلات ختم ہونے کے قریب ہیں، تاہم تعلیمی ادارے یکم اگست سے کھلیں گے یا نہیں؟ اس حوالے سے سٹوڈنٹس کے لئے خبر سامنے آئی ہے۔ 

سندھ بھر میں 31 جولائی (جمعرات) کو تعلیمی ادارے کے لیے موسم گرما کی تعطیلات 2025 ختم ہونے والی ہیں۔ محکمہ تعلیم سندھ نے اس حوالے سے نوٹیفکیشن جاری کیا تھا جس میں کہا گیا تھا کہ تمام سرکاری اور نجی تعلیمی ادارے یکم جون سے 31 جولائی تک بند رہیں گے۔

فی الحال، موسم گرما کی تعطیلات میں توسیع کا کوئی باضابطہ اعلان نہیں ہے۔

دریں اثنا، پنجاب میں موسم گرما کی تعطیلات 28 مئی سے شروع ہوئیں اور یہ 14 اگست کو ختم ہونے والی ہیں، تعلیمی ادارے 15 اگست سے دوبارہ سرگرمیاں شروع کر دیں گے۔

اس سال پنجاب حکومت نے گرمی کی شدید لہر کے باعث موسم گرما کی چھٹیوں کا اعلان کیا تھا۔