( سٹی 42 ) گلوکارہ میشا شفیع نے انقلابی شاعر فیض احمد فیض کا شعر بگاڑنے پر ان کے چاہنے والوں سے معافی مانگتے ہوئے ٹویٹ ڈیلیٹ کردیا۔
ٹوئٹ میں میشا کو مخاطب کرتے ہوئے کہا گیا کہ آپ تو فیض صاحب کی شاعری پر گانے گا کر ہی مشہور ہوئی ہیں اور ان کی ہی شاعری پر ٹرول کر رہی ہیں۔ ٹرول کے جواب میں فیض احمد فیض کے نام سے چلائے جانے والے اکاؤنٹ  سے میشا کو ناگواری کا احساس دلاتے ٹوئٹ کیا گیا کہ یہ اچھی بات نہیں ہے، کیا ہم نے کبھی آپ کے گانوں کو ٹرول کیا؟

بول کہ لب آزاد ہیں تیرے
بول، زباں اب تک تیری ہے

تیرا ستواں جسم ہے تیرا
بول کہ جاں اب تک تیری ہے

بول، یہ تھوڑا وقت بہت ہے
جسم و زباں کی موت سے پہلے

بول کہ سچ زندہ ہے اب تک
بول، جو کچھ کہنا ہے کہہ لے

— فیض احمد فیض

**شاعری کے ساتھ ٹرول کرنے سے گریز کریں۔ شکریہ**#MeToo https://t.co/L5cCmNDKMR

— Faiz Ahmed Faiz Poetry (@FaizAzFaiz) December 20, 2020

گزشتہ دنوں میشا شفیع نے فیض احمد فیض کے مشہور زمانہ شعر کے مصرع کو بگاڑا تھا اور بول کے لب آزاد ہیں تیرے کو اپنے الفاظ دیتے ہوئے ’ٹرول کے لب آزاد ہیں تیرے‘ لکھتے ہوئے ناقدین کو جواب دیا تھا۔
فیض کےمداحوں کی جانب سے چلائے جانے والے ٹوئٹر اکاؤنٹ سے اس ردعمل کو دیکھتے ہوئے میشا شفیع نے اپنا ٹوئٹ بھی ڈیلیٹ کیا اور فیض کے چاہنے والوں سے معافی بھی مانگ لی ہے۔

I’ve deleted my earlier tweet. @FaizAzFaiz and his legacy is far too sacred and I realize this was in bad taste.

Apologies and respect ????????

— MEESHA SHAFI (@itsmeeshashafi) December 20, 2020