سٹی 42: کراچی کے علاقے تیموریہ میں شاہین فورس کا مبینہ طور پر ڈاکوؤں سے مقابلہ ہوا، جس کے نتیجے میں 2 ملزمان ہلاک ہوگئے۔

ایس ایس پی سینٹرل کے مطابق ڈینٹل کالج کے قریب پولیس اور ملزمان کے درمیان مقابلہ ہوا، جس میں 2 مبینہ ڈاکو ہلاک ہوئے۔

پولیس کے مطابق ہلاک ملزمان شہریوں سے لوٹ مار کررہے تھے۔ ملزمان کے قبضے سے اسلحہ اور موٹر سائیکل بھی برآمد ہوئی ہے۔

پولیس نے ہلاک ملزمان کی لاشیں اسپتال منتقل کردی ہیں، جبکہ ان کی مزید تفصیلات حاصل کی جارہی ہیں۔