(امانت گشکوری)بانی پی ٹی آئی کی 9 مئی مقدمات میں ضمانت کےکیس کی سماعت ایک بار پھر بغیر کارروائی کل صبح ساڑھے دس بجے تک ملتوی کردی گئی۔
چیف جسٹس یحییٰ آفریدی کی سربراہی میں تین رکنی بنچ نے سماعت کی،پراسیکیوشن کے وکیل نے کیس ملتوی کرنے کی استدعا کی،معاون وکیل نےکہاکہ پراسیکیوٹر کی طبیعت ٹھیک نہیں سماعت ملتوی کی جائے جس کے بعدکیس کی سماعت کل صبح ساڑھے دس بجے تک ملتوی کر دی گئی۔
جسٹس شفیع صدیقی اور جسٹس میاں گل حسن اورنگزیب بھی بنچ میں شامل ہیں۔
گزشتہ روز چیف جسٹس نے اضافی دستاویزات کے جائزے کیلئے سماعت ملتوی کردی تھی۔