ملک اشرف: رمضان المبارک کی آمد کے ساتھ ہی لاہور ہائیکورٹ سمیت صوبے بھر کی عدالتوں کے اوقات کار تبدیل کر د ئیے گئے ہیں۔

نئے شیڈول کے مطابق ہائیکورٹ میں پیر تا جمعرات مقدمات کی سماعت صبح 9 بجے سے دوپہر ڈیڑھ بجے تک ہوگی، جبکہ صبح 11 بجے سے ساڑھے 11 بجے تک عدالتی وقفہ رکھا جائے گا۔

جمعہ کے روز ہائیکورٹ میں سماعت کا وقت صبح 9 بجے سے ساڑھے 12 بجے تک مقرر کیا گیا ہے۔

دوسری جانب سول اور سیشن عدالتوں میں پیر تا جمعرات مقدمات کی سماعت صبح 9 بجے سے سہ پہر 3 بجے تک جاری رہے گی، جبکہ جمعہ کے روز سماعت صبح 9 بجے سے دوپہر ایک بجے تک ہوگی۔

عدالتی حکام کے مطابق اوقات کار میں یہ تبدیلی رمضان المبارک کے احترام اور وکلاء و سائلین کی سہولت کو مدنظر رکھتے ہوئے کی گئی ہے۔