ویب ڈیسک  : دبئی میں رمضان المبارک کے پورے مہینے مساجد میں مفت پارکنگ کا اعلان کیا گیا ہے۔

دبئی کے پبلک پارکنگ آپریٹر پارکن نے اعلان میں کہا کہ رمضان المبارک کے دوران دبئی بھر میں مساجد کی پارکنگ کی جگہیں دن بھر مفت رہیں گی۔

اپنے آفیشل سوشل میڈیا چینلز پر ایک پوسٹ میں دبئی کے پبلک پارکنگ آپریٹر پارکن نے تصدیق کی کہ مساجد (ایم اور ایم پی) کے لیے نشان زد پارکنگ زون مقدس مہینے کے دوران پورے دن کے لیے استعمال کے لیے مفت رہیں گے۔

پارکن نے امارات میں پبلک پارکنگ کے باقاعدہ اوقات کا بھی خاکہ پیش کیا، یہ بتاتے ہوئے کہ پیڈ پارکنگ صبح 8 بجے سے شام 6 بجے تک اور پھر شام 8 بجے سے رات 12 بجے تک کام کرے گی۔

پارکنگ روزانہ شام 6 بجے سے رات 8 بجے کے درمیان، نیز اتوار اور عام تعطیلات کے دوران مفت ہوگی۔