(مانیٹرنگ ڈیسک) کمبوڈیا کے شہر نوم پنہ میں پالتو شیر کے سڑکوں پر مٹر گشت نے شہریوں کو خوف زدہ کردیا جس کی ویڈیو سوشل میڈیا پر وائرل ہوگئی۔
شیر بلّی کی نسل کا ایک خونخوار جانور ہے، شیر اپنے شاندار طاقتور اور مضبوط جسم کی بدولت بہترین شکاری کہلائے جاتے ہیں، شیر کو بطور علامت بہادر، طاقتور، ظالم اور سنگدل استعمال کیا جاتا ہے، شیر کو جنگل کا بادشاہ بھی کہا جاتا ہے، شیر کی دو اہم اقسام افریقی اور ایشیائی ہیں لیکن یہ خیال کیا جاتا ہے کہ اس کی مجموعی تعداد آٹھ ہے، کچھ لوگ اس کو شوق سے گھروں میں بھی پالتے ہیں، جس کی وجہ سے اکثر اوقات شیر سڑکوں پر آجاتے ہیں۔
Friend shot this video this morning. Is the lion loose in BKK1? #phnompenh #cambodia pic.twitter.com/mZWBjdR0XR
— Mike Gebremedhin (@Mgebremedhin) August 16, 2021
سماجی رابطے کی ویب سائٹ ٹویٹر پر پالتو شیر کے سڑکوں پر گھومنے کی ویڈیو اور تصاویر وائرل ہوگئیں جس نے دیکھنے والوں کو حیران کردیا، ویڈیو میں کمبوڈیا کے شہر نوم پنہ کی سڑکوں پر پالتو شیر کو گھومتے دیکھا جاسکتا ہے جبکہ شیر کا مالک بھی موجود نہیں ہے۔
رپورٹ کے مطابق شیر کو چینی تاجر نے پال رکھا ہے جسے پہلے کمبوڈین حکام نے ٹک ٹاک ویڈیو وائرل ہونے کے بعد ضبط کرلیا تھا تاہم کمبوڈین وزیراعظم ہن سین کی مداخلت کے بعد اسے مالک کو واپس کردیا گیا تھا۔
And this is why you don't keep lions as a pet in the middle of the city, now exploring the streets of Phnom Penh #Cambodia (photo credit: unknown) pic.twitter.com/2HGr2iYmKE
— Stephen Higgins (@sjhiggins1973) August 16, 2021
اسکاٹ لینڈ کے صحافی اینڈریو میک گریگور نے شیر کی تصاویر شیئر کرتے ہوئے لکھا کہ ‘شیر کو چینی تاجر کیو ژاؤ نے نوم پنہ میں ایک گھر میں پالتو جانور کے طور پر رکھا ہوا ہے جو باہر کی گلی میں گھوم رہا ہے اور اس کی نگرانی نہیں کی جاتی۔
ویڈیو اور تصاویر وائرل ہونے کے بعد شیر کو اس کا مالک واپس گھر لے گیا تاہم سوشل میڈیا صارفین کی جانب سے پالتو شیر کے مالک پر کڑی تنقید کی جارہی ہے۔