سٹی42: کرکٹ ورلڈ کپ 2019 کے لیے پاکستان ٹیم کا اعلان کر دیا گیا ہے۔ جس میں پندرہ کھلاڑیوں پر مشتمل سکواڈ شامل ہے۔

پاکستان کرکٹ بورڈ میں پریس کانفرنس کرتے ہوئے چیف سلیکٹر انضمام الحق نے پاکستانی سکواڈ کا اعلان کیا۔ انھوں نے بتایا کہ ورلڈکپ اسکواڈ میں 15کھلاڑی ہوں گے۔ ورلڈکپ اسکواڈ میں چیمپئنز ٹرافی کے 11کھلاڑی شامل ہیں۔ فخرزمان، امام الحق، عابد علی، بابراعظم، شعیب ملک، محمدحفیظ، حارث سہیل، حسن علی، شاداب خان، جنیدخان شامل ہوں گے۔

Chief Selector @Inzamam08 announcing Pakistan team for England tour and @cricketworldcup 2019.
WATCH LIVE ▶️ https://t.co/f14UiBHO6j pic.twitter.com/BZT3M4vsIy

— PCB Official (@TheRealPCB) April 18, 2019

انضمام الحق کا کہنا تھا کہ ورلڈکپ سے قبل قومی ٹیم انگلینڈ کے خلاف سیریز کھیلے گی۔ ورلڈکپ اسکواڈ میں 22مئی تک تبدیلی کی جا سکتی ہے۔ امید ہے ورلڈکپ کا فائنل کھیلیں گے۔ قومی ٹیم ورلڈکپ میں پہلا میچ ویسٹ انڈیز کے خلاف31مئی کو کھیلے گی، چیف سلیکٹر نے بتایا کہ شاہین شاہ آفریدی، عماد وسیم، فہیم اشرف، محمدحسنین، محمدعامر اور آصف علی انگلینڈ کے خلاف ٹی20 ٹیم میں شامل جبکہ سرفرازاحمد ورلڈکپ اور انگلینڈ کے خلاف سیریز میں کپتانی کریں گے۔

Pakistan name squad for ICC Men's Cricket World Cup 2019.#WeHaveWeWill
Read more ???? https://t.co/rTs93eL2eT pic.twitter.com/Ka8fToZMhv

— PCB Official (@TheRealPCB) April 18, 2019

یاد رہے کہ قومی کرکٹ ٹیم 23اپریل کو انگلینڈ روانہ ہو گی۔