(سٹی 42) پاکستان کے معروف اداکار اور فلم ساز شان شاہد نے لائن آف کنٹرول پر بھارت کی جانب سے کی جانے والی اشتعال انگیزی پر اقوام متحدہ اور مغرب کی خاموشی پر شدید تنقید کی ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے پیغام میں اداکار شان شاہد نے کہا کہ لائن آف کنٹرول کشمیر پر بھارت کی جانب سے حملے کئے جارہے ہیں، علاقے میں انسانیت کا خون بہہ رہا ہے مگر دنیا میں امن و امان کو برقرار رکھنے والی اقوام متحدہ اورمغرب ممالک کی جانب سے شدید خاموشی ہے۔
#kashmir LOC has been under heavy attack.. but the UNO &the west is under heavy silence... #humanity bleeds. The world must unite against war and vote for peace . #silence is not the solution. @ShehryarAfridi1
— Shaan Shahid (@mshaanshahid) November 15, 2020
اداکار نے اپنے ٹوئٹر پیغام میں کہا کہ دنیا کو جنگ کے خلاف متحد ہوکر امن کے لئے ووٹ دینا چاہئے، خاموشی اس معاملہ کا حل نہیں ہے۔اپنے ایک اور ٹوئٹ میں معروف اداکارشان شاہد نے کہا کہ دل سے جو آہ نکلتی ہے، پر نہیں طاقت پرواز مگر رکھتی ہے، میری آہ اور میری دعائیں صرف مادر وطن کے لئے، یااللہ مدد، ہمارے اتحاد کو ایسی آہنی دیوار بنادے جو ہماری اقدار کا دفاع کرے، جو ہمارا عروج شروع ہونے دیں۔ یاد رہے کہ پلوامہ حملہ کے معاملے پر بھی جاوید اختر کے متنازعہ ٹوئٹ پر اداکار شان شاہد نے انہیں کرارا جواب دیا تھا۔
Dil sai jo ah nikaltee hai asar rakhtee hai.. per nahee taqatay parwaaz magar rakhtee hai.. my ah is my prayer for my motherland..ya ALLAH madad ???????? let the unity be the wall that defends our values . Let our rise begin ... pic.twitter.com/dxDueNh5kS
— Shaan Shahid (@mshaanshahid) November 15, 2020
واضح رہے کہ سماجی رابطے کی ویب سائٹ ٹوئٹر پر اداکار شان شاہد پاکستانی موقف کی بھرپور ترجمانی کرتے ہیں اور پاکستان مخالفین کو آڑے ہاتھوں لیتے ہیں۔