تحریک انصاف کے سینیٹر اعجاز چوہدری کی نو مئی کے چار مقدمات میں ضمانت کی درخواستیں، لاہور ہائیکورٹ نے پراسیکیوشن کو نوٹس جاری کر دیئے ۔
جسٹس سید شہباز علی رضوی اور جسٹس طارق محمود باجوہ پر مشتمل دو رکنی بنچ نے پی ٹی آئی رہنماء اعجاز چودھری کی درخواست ضمانتوں پر سماعت کی ، تو اعجاز چوہدری کے وکیل نے دلائل دیئے۔ تحریک انصاف کے سینیٹر نے نو مئی کے چار مقدمات میں ضمانت پر رہائی کیلئے ہائیکورٹ سے رجوع کیا اور الگ الگ ضمانت کی درخواستیں دائر کیں۔ ان ضمانت کی درخواستوں میں استدعا کی گئی کہ اعجاز چودھری کو رہا کرنے کا حکم دیا جائے ، دو رکنی بنچ نے وکیل کے دلائل سننے کے بعد فریقین کو نوٹس جاری کرتے ہوئے مقدمات کا ریکارڈ طلب کرلیا ۔