(زین مدنی)پاکستان فلم اور ڈرامہ انڈسٹری کی معروف اداکارہ مہوش حیات سوشل میڈیا پر اکثر متحرک نظرآتی ہیں، اداکارہ نے سوشل میڈیا اپنی ایک نئی ڈانس ویڈیو شیئر کی جس میں انہوں نے صارفین کو ایک چیلنج دیا، ویڈیو میں اداکارہ کے ساتھ ان کا بھائی بھی موجود ہے۔
تفصیل کے مطابق پاکستان کی خوبرو اداکارہ و ماڈل اور صدارتی ایوارڈ یافتہ معروف اداکارہ مہوش حیات کے مداح نہ صرف پاکستان بلکہ بیرون ممالک میں بھی موجود ہیں، اداکارہ نے ڈارمہ اور فلم انڈسڑی میں باکمال اداکاری کرتے اپنی صلاحیت کا لوہا منوایا جس کے باعث ڈرامہ ہو یا فلمی سکرین لوگوں کی بڑی تعداد ان کی اداکاری کو دیکھنے کے لئے بے چین نظر آتی ہے، خوبرو اداکارہ مہوش حیات کے ڈانس کی ویڈیو وائرل ہوئی۔
اداکارہ مہوش حیات کی اپنے بھائی کے ساتھ ڈانس کی ویڈیو منظر عام پر آئی جس میں مہوش حیات اپنے بھائی کے ساتھ منفرد انداز کا رقص کر رہی ہیں،ویڈیو میں اداکارہ نے بھائی دانش حیات کے ہمراہ نیا ڈانس چیلنج متعارف کروادیا،انسٹاگرام پر مہوش حیات کے تصدیق شدہ اکاؤنٹ پر ایک ویڈیو شیئر کی گئی ہے جس میں مہوش حیات کو بھائی کے ہمراہ گانے پر ڈانس چیلنج پورا کرتے دیکھا جاسکتا ہے۔
اداکارہ نے انسٹاگرام اکاؤنٹ پر ویڈیو پوسٹ شیئر کرتے ہوئے کیپشن درج کیا کہ پارٹنر کے ساتھ کیا گیا نیا چیلنج، جب کہ انہوں نے مداحوں کو بھی یہ چیلنج پورا کرنے کا کہا، اداکارہ کی اس ویڈیو کو صارفین پسند کررہے ہیں اور اب تک 6 لاکھ 28 ہزار سے زائد لوگ اس کو دیکھ چکے ہیں۔
View this post on Instagram
واضح رہے کہ قبل ازیں مہوش حیات نے سلطانہ صدیقی کے نواسے کی مہندی کی تقریب میں ڈانس کرکے مداحوں کے دل موہ لئے تھے، سوشل میڈیا پر مہوش حیات کے ڈانس کی ویڈیو کو خوب پسند کیا گیا،ویڈیو میں عدنان صدیقی ، یاسر نواز اور دیگر افراد کو مہوش کے ہمراہ ڈانس کررہے تھے۔