( سٹی42)مہنگائی سے ستائےعوام کیلئےاچھی خبر ،شہر میں برائلر کی رسد میں بہتری آنے لگی۔

زندہ مرغی 7 روپے کمی کے بعد 331 روپے فی کلو میں فروخت ہونے لگی۔ مرغی کا گوشت 10 روپے کمی کے بعد 497 روپے فی کلو کا ہو گیا۔ جبکہ فارمی انڈوں کی قیمت  289 روپے فی درجن پر برقرار ہے۔

دوسری جانب شہر میں بیف اور مٹن بھی مہنگا فروخت ہو رہا ہے، اور اس حوالے سے شہریوں کا کہنا ہے کہ بیف اور مٹن سرکاری نرخوں سےکئی گنا مہنگا بیچا جا رہا ہے لیکن کوئی چیک کرنے والا ہی نہیں ہے۔