(مانیٹرنگ ڈیسک) بالی وڈ کی معروف اداکارہ دیا مرزا بزنس مین ویبھوو ریکھی سے رشتہ ازدواج میں منسلک ہوگئیں اور ان کی شادی کی تصاویر بھی منظر عام پر آگئیں۔
View this post on Instagram
میڈیا رپورٹ کے مطابق بالی وڈ کی معروف اداکارہ دیا مرزا کی شادی کی تقریب ممبئی میں کے علاقے باندرہ میں بزنس مین ویبھوو ریکھی کے گھر ہوئی ہے جس میں فیملیز کے علاوہ اداکارہ ادیتی راؤ حیدری اور جیکی بھگنانی بھی شریک ہوئے، دیا مرزا نے شادی کے موقع پر روایتی سرخ رنگ کا عروسی جوڑا زیب تن کیا جبکہ ان کے شوہر ویبھوو ریکھی سفید شلوار قمیض اور واسکٹ پہنی۔
View this post on Instagram
دونوں کی جوڑی نے تقریب سے باہر میڈیا کے سامنے آئے اور تصاویر کھنچوائیں جبکہ اداکارہ دیا مرزا نے میڈیا کے نمائندوں کو اپنے ہاتھوں سے مٹھائی کھلائی، اس موقع پر زندگی کے نئے سفر کے حوالے سے خوشی ان کے چہرے پر عیاں تھی۔
View this post on Instagram
سماجی رابطے کی ویب سائٹ انسٹاگرام پر جوڑے کی شادی کی تصاویر خوب وائرل ہورہی ہیں، باندرا کے گھر میں ہونے والی شادی کی رسومات کے بعد جوڑے فوٹو گرافروں کو پوز بھی دیئے۔
View this post on Instagram
خیال رہے کہ 39 سالہ اداکارہ کی یہ دوسری شادی ہے، اس سے قبل پروڈیوسر ساحل سنگھا سے شادی کے 5 سال بعد 2019 میں دیا مرزا کی شوہر سے علیحدگی ہوگئی تھی، اُن کی دوسری شادی سے متعلق خبریں 14 فروری سے سامنے آرہی تھیں، دیا مرزا نے خود بھی انسٹاگرام پر اس حوالے تصاویر شیئر کی اور خبروں کی تصدیق کی تھی۔
