ویب ڈیسک:انڈین پریمیئر لیگ ( آئی پی ایل) 2026 میں ایک 24 سال کے بالر نے اپنی رفتارکے باعث بڑے بڑے بیٹسمینوں کے ہوش اڑا دیئے ہیں۔ اسکی بہترین لائن اور لینتھ بیٹسمینوں کو کو گھٹنے ٹیکنے پر مجبور کر رہی ہے۔ یہ بالر کوئی اور نہیں بلکہ لکھنؤ سپر جائنٹس کے لیے کھیلنے والے پرنس یادو ہے۔ پولیس کی نوکری چھوڑ کر پرنس یادو کے سر پر کرکٹ کی دنیا میں اپنا نام بنانے کا جنون سوار تھا۔اور اس نے یہ سچ ثابت کیا۔
میڈیا رپورٹس کے مطابق آئی پی ایل 2026 میں ایک 24 سال کا گیند باز اپنی رفتار کے دم پر بڑے بڑے بلے بازوں کے ہوش اڑا رہا ہے۔ رفتار کے ساتھ ساتھ اس گیند باز کی بہترین لائن اور لینتھ بلے بازوں کو گھٹنے ٹیکنے پر مجبور کر رہی ہے۔ یہ گیند باز کوئی اور نہیں بلکہ لکھنؤ سپر جائنٹس کے لیے کھیلنے والے پرنس یادو ہیں۔ پرنس کے والد انہیں پولیس والا بنانا چاہتے تھے، لیکن پرنس کے سر پر کرکٹ کی دنیا میں اپنا نام بنانے کا جنون سوار تھا۔ پرنس یادو کو بچپن سے ہی کرکٹ سے خاص لگاؤ تھا۔ تاہم وہ طویل عرصے تک ٹینس بال سے کھیلتے رہے۔
پرنس یادو نے18 سال کی عمر میں پہلی بار لیدر بال سے گیند بازی کرنا شروع کی۔ پرنس ہمیشہ ہی ٹینس بال ٹورنامنٹس کھیلتے رہتے تھے اور اسی وجہ سے ان کے والد کو پرنس کے کیریئر کی بہت فکر تھی۔ تاہم پرنس نے اپنے والد سے صاف الفاظ میں کہہ دیا تھا کہ وہ اپنے دم پر زندگی میں کچھ نہ کچھ ضرور کر لیں گے اور وہ ان کی فکر نہ کریں۔ پرنس نے یہ بات صرف کہی ہی نہیں بلکہ ثابت بھی کر کے دکھایا۔پرنس کے والد رام نیواس یادو نریلا میں ریلوے سیکورٹی فورس میں اے ایس آئی (اسسٹنٹ سب انسپکٹر) تھے۔ وہ چاہتے تھے کہ پرنس بھی پولیس کی نوکری جوائن کریں۔ پرنس کو ان کے والد نے کانسٹیبل عہدے کے لیے ہونے والے جسمانی ٹیسٹ میں بھی شامل ہونے کے لیے مجبور کیا۔ تاہم پرنس اس کے بعد تحریری امتحان دینے نہیں گئے۔ دائیں ہاتھ کا یہ تیز گیند باز 22 گز کی پچ پر اپنی الگ پہچان بنانا چاہتا تھا۔
پرنس یادو دن بہ دن نکھرتے چلے گئے اور اپنی خطرناک بالنگ گے دم پر ایک کے بعد ایک کامیابیاں حاصل کرنے لگے۔ بھارت کے لیے انڈر-19 ورلڈ کپ کھیلنے والے سابق کرکٹر پردیپ سنگوان اور امت وششٹ نے ملکر پرنس کی گیند بازی کو نکھارنے کا کام کیا۔ پرنس بھی شدید گرمی میں بھی مسلسل دو گھنٹے تک پریکٹس کرتے تھے۔ تاہم پرنس کے کیریئر میں بہت مشکل دور آیا۔ پرنس سمیت دہلی کے کئی کرکٹرز پر عمر میں ہیر پھیر کرنے کی وجہ سے 2 سال کا بین لگا دیا گیا۔ کامیابی کی سیڑھیاں چڑھ رہے پرنس کے کیریئر میں اچانک ایک دم ٹھہراؤ آ گیا اور والد سے لے کر پورا خاندان پریشان ہو گیا۔
پرنس یادو نے اس دوران نے اپنی محنت جاری رکھی اور زبردست واپسی کی۔ دہلی پریمیئر لیگ کے طور پر پرنس کو وہ پلیٹ فارم ملا جہاں انہوں نے اپنی رفتار سے ہر کسی کو کافی متاثر کیا۔ انہوں نے 10 مقابلوں میں مجموعی طور پر 13 وکٹیں حاصل کیں۔ 2024 میں انہوں نے رنجی ٹرافی میں دہلی کی طرف سے اپنا ڈیبیو کیا۔ 2024-25 میں بھی پرنس نے اپنی شاندار گیند بازی سے ہر کسی کا دھیان کھینچا۔ 8 مقابلوں میں انہوں نے 11 وکٹیں حاصل کیں اور ان کا اکنامی بھی 7.54 رہا۔پرنس کی گیند بازی سے متاثر ہو کر آئی پی ایل 2025 کے لیے ہونے والے آکشن میں لکھنؤ سپر جائنٹس نے انہیں 30 لاکھ روپے میں خریدا۔ آئی پی ایل 2025 میں اگرچہ پرنس کچھ خاص اثر نہیں چھوڑ سکے۔ تاہم آئی پی ایل 2026 میں وہ اپنی شاندار گیند بازی سے دھوم مچا رہے ہیں۔ اس سیزن پرنس نے سنرائزرز حیدرآباد کے خلاف کھیلے گئے مقابلے میں ایشان کشن کو کلین بولڈ کیا۔ پرنس کی اس گیند کی ہر طرف خوب تعریف ہوئی۔ آئی پی ایل 2026 میں پرنس 3 مقابلوں میں 5 وکٹیں حاصل کر چکے ہیں۔ اب دیکھنا یہ دلچسپ ہوگا کہ پرنس اپنے کارکردگی میں تسلسل دکھا پاتے ہیں یا نہیں۔