سرکاری ونجی سکولوں میں کبڈی کھیلنے پر پابندی لگا دی گئی


جنید ریاض : محکمہ سکول ایجوکیشن نے سکولوں میں بچوں کے کبڈی اورکشتیاں کھیلنے پر پابندی لگا دی، سکولوں میں دوران وقفہ بچے ایسی گیمز میں حصہ نہیں لے سکیں گے جس سے بچوں کو نقصان پہنچے۔ پابندی کا اطلاق سرکاری و نجی سکولوں دونوں پر ہو گا۔

یہ بھی لازمی پڑھیں:بولو لاہور 19نومبر 2018   

محکمہ سکول ایجوکیشن نے پنجاب بھر کے سرکاری ونجی سکولوں میں کبڈی کھیلنے پر پابندی لگادی ہے۔ ڈائریکٹر مانیٹرنگ رانا عبد القیوم کی جانب سے جاری نوٹیفکیشن کے مطابق سکولوں میں دوران بریک بچے اب کبڈی یا دوسرے تمام کھیل جس سے بچے کو نقصان پہنچ سکے مکمل پابندی ہوگی۔ کھیل کود کے دوران بچوں کو چوٹ لگنے کا ذمہ بریک انچارج ہو گا۔ نوٹیفکیشن کا اطلاق سرکاری و نجی سکولوں دونوں پر ہوگا۔

محکمہ سکول ایجوکیشن نے پنجاب بھر کے سکولوں کو مراسلہ جاری کر دیا۔عملدرآمد نہ کرنے والے سکول سربراہان کے خلاف کاروائی کی جائے گی۔