سٹی 42:پاکستان ٹی وی انڈسٹری کی معروف اداکارہ و میزبان انوشے اشرف نے انکشاف کیا ہے کہ انہیں بھی جنسی ہراسانی کا سامنا کرنا پڑا ہے۔

سوشل میڈیا سائٹ ٹوئٹر پر اداکارہ نے اپنے ساتھ پیش آئے واقعے کی بیان کرتے ہوئے لکھا کہ ایک مرتبہ ان کا بازار جانا ہوا، میں نے خود کو سر سے پیر تک ڈھکا ہوا تھا اور کوئی میک اپ نہیں کیا ہوا تھا۔انہوں نے کہا کہ اس روز میرے بالوں میں تیل بھی لگا ہوا تھا یہاں تک کہ انہیں کوئی پہچان نہیں سکتا تھا۔ اداکارہ نے بتایا کہ اس حلیے میں بھی مارکیٹ میں انہیں چٹکی کاٹی گئی ۔

 
 

The ONE time I had my behind pinched at the market was when I was covered from head to toe, dupatta on, zero makeup and oil in my hair...RAPISTS rape people, not outfits. Save the behayai rant for another day please. Stop deviating and victim blaming! #MotowayIncident

— Anoushey Ashraf (@Anoushey_a) September 13, 2020

اپنے ٹوئٹ میں اداکار ہ نے موقف اختیار کیا کہ خواتین کو ہراساں اور زیادتی کرنے والے حیا یا بے حیا عورت کو نہیں دیکھتے، لہذا بے حیائی کو اس کی وجہ نہ بنایا جائے۔

اس سے قبل پاکستان فلم و ٹی وی انڈسٹری کی مقبول ترین اداکارہ عائشہ عمر نے انکشاف کیا تھا کہ شوبز انڈسٹری میں انہیں ان کی عمر سے دگنا طاقتور شخص ہراساں کرتا رہا ہے جس کا ذکر انہوں نے 15 برس تک کسی سے نہیں کیا۔ عائشہ عمر کا کہنا تھا کہ جب انہوں نے انڈسٹری میں قدم رکھا تو اس وقت ان کی عمر 23 سال تھی، اس وقت میری عمر سے دگنے طاقتور آدمی نے مجھے جنسی ہراسانی کا نشانہ بنایا اور یہ سلسلہ برسوں تک چلتا رہا۔ 
اداکارہ نے بتایا کہ یہ محض ایک بار نہیں ہوا، اس کا سلسلہ کئی عرصہ چلتا رہا لیکن میں اس پر کوئی کارروائی نہیں چاہتی تھی۔انہوں نے کہا کہ میں نے اسے جیسے ایک ڈبے میں بند کردیا اور کہا ٹھیک ہے یہ میری زندگی میں ہورہا ہے اور مجھے اس سے نمٹنا ہے۔ عائشہ عمر نے کہا کہ 15 برس تک میں نے یہ بات کسی کو نہیں بتائی کیونکہ میں یہ بات کسی سے شیئر نہیں کرنا چاہتی تھی۔