(ویب ڈیسک) پاکستانی اداکار نعمان سمیع نے سوشل میڈیا پر انکشاف کیا ہے کہ وہ کتنی زیادہ محنت کے بعد آج اداکار بنے ہیں۔
حال ہی میں نعمان سمیع نے انسٹاگرام اکاؤنٹ پر ایک ویڈیو شیئر کی جس میں انہوں نے ہلکے گلابی اور سفید رنگ کی ٹی شرٹ پہن رکھی ہے، تصویر دیکھ کر ایک صارف نے کمنٹ میں کہا کہ آپ بالکل فوڈ پانڈہ کے ڈیلیوری بوائے لگ رہے ہیں صارف کے اس کمنٹ پر اداکار نے انکشاف کیا کہ وہ وہ اداکاری میں آنے سے پہلے کچرا اٹھانے ، فرش صاف کرنے اور ٹوائلٹ صاف کرنے، ریسٹورنٹ میں ویٹر کے طور پربھی کام کرتے رہے ہیں۔
نعمان سمیع نے ناراضی کا اظہار کرتے ہوئے کہا کہ ‘اگر میں اس شرٹ میں ڈیلیوری بوائے کی طرح لگ بھی رہا ہوں تو اس میں کوئی مضحکہ خیز بات نہیں، یہ ایک نوکری ہے اور جو لوگ یہ کام کرتے ہیں انہیں اپنے کام پر فخر ہونا چاہیے کیونکہ وہ محنت کرکے اپنے اہلخانہ کے لیے روزی روٹی کما رہے ہوتے ہیں۔
View this post on Instagram
جس کے بعد صارف نے اداکار سے معافی مانگی اور کہا کہ ان کا مقصد کسی کا دل دکھانا نہیں تھا اور نہ ہی وہ کسی کا مزاق بنا رہے تھے، نعمان سمیع اور صارف کی درمیان ہوئی بات چیت کا اسکرین شاٹ سوشل میڈیا پر پلیٹ فارمز پر وائرل ہو رہا ہے اور اداکار کے مداح ان کی اس محنت اور لگن کو خوب سراہا رہے ہیں۔