عثمان ارشد: جیلانی پارک میں منعقدہ تین روزہ رمضان نگہبان بچت فیسٹیول اپنے اختتامی مرحلے میں داخل ہوگیا، جہاں شہریوں کی بڑی تعداد نے شرکت کرکے ایونٹ کو کامیاب بنا دیا۔

فیسٹیول میں آٹا، گھی، چینی، چاول، سبزیاں اور پھل سمیت روزمرہ اشیائے خورونوش سستے داموں فراہم کی گئیں، جس سے مہنگائی کے ستائے عوام کو خاطر خواہ ریلیف ملا۔ اس موقع پر 150 سے زائد گروسری سٹالز قائم کیے گئے جہاں معیاری اشیاء مناسب قیمتوں پر دستیاب رہیں۔

ذرئع کے مطابق شہریوں کی سہولت کے لیے فری میڈیکل کیمپ بھی لگایا گیا، جبکہ کھانے پینے اور گھریلو دستکاری کے خوبصورت سٹالز نے بھی توجہ حاصل کی۔ فیسٹیول میں مقامی ثقافت، روایات اور علاقائی رنگ کو نمایاں انداز میں پیش کیا گیا جس سے ماحول خوشگوار اور خاندانی تفریح کا مرکز بن گیا۔

فیملیز کی بڑی تعداد نے بچوں اور خواتین کے ہمراہ شرکت کی، جبکہ انتظامیہ کی جانب سے صفائی، سیکیورٹی اور دیگر سہولیات کے بہترین انتظامات کیے گئے تھے۔

رمضان نگہبان بچت فیسٹیول نے نہ صرف عوام کو معاشی ریلیف فراہم کیا بلکہ سماجی ہم آہنگی اور ثقافتی سرگرمیوں کو بھی فروغ دیا۔