ویب ڈیسک:آسٹریلیا کے بونڈائی بیچ پر خوفناک حملہ، امریکی صدر ڈونلڈ ٹرمپ کا وائٹ ہاؤس میں کرسمس کی تقریب سے خطاب، کہا سڈنی میں یہود دشمن حملے کی مذمت کرتے ہیں، فائرنگ کرنے والے کو سامنے آکر روکنے والا بہت بہادر شخص ہے، اس بہادر شخص نے بہت سے لوگوں کی جان بچائی، یہ شخص قابل احترام ہے۔
امریکی صدر ڈونلڈ ٹرمپ نے آسٹریلیا کے شہر سڈنی میں پیش آنے والے فائرنگ کے واقعے کی سخت الفاظ میں مذمت کرتے ہوئے اسے انتہائی خوفناک حملہ قرار دیا ہے۔
وائٹ ہاؤس میں منعقدہ کرسمس کی تقریب سے خطاب کے دوران صدر ٹرمپ نے کہا کہ سڈنی کے علاقے بونڈائی بیچ پر لوگوں کو نشانہ بنانا انسانیت کے خلاف سنگین جرم ہے۔
صدر ٹرمپ نے واقعے کے دوران جان خطرے میں ڈال کر حملہ آور کو روکنے والے شخص کی غیر معمولی بہادری کو سراہتے ہوئے کہا کہ احمد نہایت قابلِ احترام ہے، جس کی جرات مندانہ کارروائی کے باعث کئی قیمتی جانیں بچ گئیں۔
دوسری جانب امریکی وزیر خارجہ مارکو روبیو نے بھی سڈنی فائرنگ واقعے کی شدید مذمت کی ہے۔
انہوں نے کہا کہ یہود دشمنی کے لیے دنیا میں کوئی جگہ نہیں، امریکا کی دعائیں اس المناک حملے کے متاثرین، یہودی کمیونٹی اور آسٹریلیا کے عوام کے ساتھ ہیں۔