ویب  ڈیسک : سعودی کاروباری شخصیت شہزادہ الولید بن طلال نے ٹیسلا کے بانی ایلون مسک کی سوشل میڈیا پلیٹ فارم ٹوئٹر کو 41 ارب 39 کروڑ  ڈالر میں خریدنے کی پیش کش مسترد کردی۔

 رپورٹ کے مطابق شہزادہ الولید بن طلال کا اپنی ٹوئٹ میں کہنا تھا کہ ایلون مسک کی جانب سے ٹوئٹر کے لیے دی گئی پیش کش اس کی گروتھ کے بعد کی قدر کے مطابق نہیں ہے۔انہوں نے مزید کہا کہ ٹوئٹر کے ایک بڑے شراکت دار کی حیثیت سے کنگڈم ہولڈنگ اور میں اس پیش کش کو مسترد کرتے ہیں۔یاد رہے کہ ارب پتی ایلون مسک نے ٹوئٹر کو 41 ارب 39 کروڑ ڈالر میں خریدنے کی پیش کش کی تھی۔ایلون مسک کی پیش کش 54.20 ڈالر فی حصص بنتی ہے جو کہ یکم اپریل کو ٹوئٹر کے سٹاک کی اختتامی قیمت کے 38 فیصد پریمیئم کی نمائندگی کرتی ہے۔

I don't believe that the proposed offer by @elonmusk ($54.20) comes close to the intrinsic value of @Twitter given its growth prospects.

Being one of the largest & long-term shareholders of Twitter, @Kingdom_KHC & I reject this offer.https://t.co/Jty05oJUTk pic.twitter.com/XpNHUAL6UX

— الوليد بن طلال (@Alwaleed_Talal) April 14, 2022

 یادرہے امریکی ٹیکنالوجی کمپنی ٹیسلا کے سربراہ ایلون مسک نے کہا   ہے کہ انھیں یقین نہیں کہ سماجی رابطوں کی ویب سائٹ ٹوئٹر کو خریدنے کے لیے ان کی لگائی گئی بولی کامیاب ہو گی۔وینکوور میں ٹیڈ 2022 کانفرنس سے خطاب کرتے ہوئے ایلون مسک نے کہا مجھے یقین نہیں کہ میں ٹوئٹر کو حاصل کرنے میں کامیاب ہو پاؤں گا۔انھوں نے مزید کہا کہ ٹوئٹر کے لیے ان کی بولی مسترد کیے جانے کی صورت میں ان کے پاس ’پلان بی‘ ہے لیکن انہوں نے پلان بی کی تفصیل سے آگاہ نہیں کیا ۔

یاد رہے کہ فوربز میگزین کے مطابق ایلون مسک دنیا کے امیر ترین شخص ہیں، جن کی دولت کی مجموعی مالیت 219 ارب ڈالر ہے۔

11 اپریل کو ٹوئٹر کے چیف ایگزیکٹیو پراگ اگروال نے کہا تھا کہ ان کی کمپنی کے سب سے زیادہ حصص رکھنے والے ایلون مسک کمپنی کے بورڈ آف ڈائریکٹرز میں شامل نہ ہونے کا فیصلہ کیا ہے۔ایلون مسک نے جو خود کو آزادی اظہار رائے کا سب سے بڑا علم بردار کہتے ہیں اور ٹوئٹر کو تنقید کا نشانہ بناتے رہتے ہیں، چار اپریل کو انکشاف کیا تھا کہ ان کے پاس ٹوئٹر کے 9.1 فیصد حصص ہیں۔ان کا کہنا تھا کہ وہ سوشل میڈیا پلیٹ فارم میں بہتری لانے کا ارادہ رکھتے ہیں۔ایلون مسک نے  ہفتے کے روز بورڈ آف ڈائریکٹرز میں شامل ہونا تھا جس کے بعد وہ 14.9 فیصد سے زیادہ حصص نہ خرید پاتے۔
 

Interesting. Just two questions, if I may.

How much of Twitter does the Kingdom own, directly & indirectly?

What are the Kingdom’s views on journalistic freedom of speech?

— Elon Musk (@elonmusk) April 14, 2022