عمر اسلم : مسلم لیگ ن کے نائب صدر اور پنجاب اسمبلی میں قائد حزب اختلاف حمزہ شہباز کے بعد ان کی اہلیہ بھی کورونا کا شکار ہو گئیں، ذرائع کے مطابق حمزہ شہباز کی اہلیہ رابعہ کا کورونا ٹیسٹ مثبت آ گیا،اس سے پہلے حمزہ شہباز کا کورونا ٹیسٹ مثبت آیا تھا ،ہفتہ کےروز حمزہ شہبازشریف سے ان کے اہلخانہ کی ملاقات ہوئی تھی۔
مسلم لیگ ن کے صدر شہباز شریف کا خاندان مزید مشکلات کا شکار ہونے لگا ، حمزہ شہباز کے بعد ان کی اہلیہ بھی کورونا وائرس کا شکار ہوگئیں۔ذرائع کے مطابق حمزہ شہباز کی اہلیہ رابعہ کا کورونا ٹیسٹ مثبت آیا ہے۔
یاد رہےپاکستان مسلم لیگ(ن) کے صدر اور قائد حزب اختلاف میاں شہباز شریف کے بیٹےحمزہ شہباز کورونا وائرس کا شکار ہوگئے، شہباز شریف نے ٹویٹ کیا ہے کہ میرے بیٹے حمزہ کو جیل میں کورونا ہوگیا ہے، میاں شہباز شریف نے ٹویٹ کیا ہے کہ میرے بیٹے حمزہ کو جیل میں کورونا ہوگیا ہے۔ مشرف دور میں نیب مقدمات کا ڈٹ کر مقابلہ کرنے کے بعد وہ اب نیب نیازی گٹھ جوڑ کے سیاسی انتقام کا انتہائی جراتمندی و ثابت قدمی سے سامنا کر رہا ہے۔
میرے بیٹے حمزہ کو جیل میں کورونا ہوگیا ہے۔ مشرف دور میں نیب مقدمات کا ڈٹ کر مقابلہ کرنے کے بعد وہ اب نیب نیازی گٹھ جوڑ کے سیاسی انتقام کا انتہائی جراتمندی و ثابت قدمی سے سامنا کر رہا ہے۔ میری آپ سب سے درخواست ہے کہ حمزہ کی جلد صحتیابی کے لئے خصوصی دعا فرمائیں۔ جزاک اللہ خیر۔
— Shehbaz Sharif (@CMShehbaz) September 13, 2020
دوسری جانب مریم نواز نے بھی حمزہ کے کورونا کا شکار ہونے پر سوالات اٹھادیے ،ایک ٹوئٹ میں لکھا کہ لکھا ابھی تو یہ تحقیق ہونا باقی ہے کہ گھر کا کھانا بند کرکے نوازشریف کو نیب میں کیا خوراک دی جاتی رہی کہ ان کی بیماری میں شدت آ گئی۔نوازشریف کے پلیٹ لیٹس خطرناک حد تک گر گئے اور انہیں ہارٹ اٹیک ہوا۔سوال تو یہ بھی ہے کہ کال کوٹھری میں بند تنہا قیدی کورونا وائرس کی زد میں کیسے آگیا؟
ابھی تو یہ تحقیق ہونا باقی کہ گھر کا کھانا بند کر کے نواز شریف کو NAB میں کیاخوراک دی جاتی رہی کہ یکا یک ان کی بیماری میں شدت آگئی، ان کے پلیٹلٹس خطرناک حد تک گر گئے اور انہیں ہارٹ اٹیک ہوا۔ سوال تو یہ بھی ہے کہ کال کوٹھڑی میں بند تنہا قیدی کرونا وائرس کی زد میں کیسے آگیا ؟
— Maryam Nawaz Sharif (@MaryamNSharif) September 13, 2020