(مانیٹرنگ ڈیسک) سیالکوٹ سے گرفتار ہونے والے پاکستان تحریک انصاف کے رہنما عثمان ڈار کا دبنگ ویڈیو بیان سامنے آگیا۔
ضلعی انتظامیہ نے سی ٹی آئی گراؤنڈ میں اجازت نہ ملنے کے باوجود جلسے کی تیاریاں کرنے پر کریک ڈاؤن کرتے ہوئے عثمان ڈار اور علی اسجد ملہی سمیت متعدد رہنماؤں اور کارکنوں کو گرفتار کرلیا۔
گرفتار ہونے والے پی ٹی آئی رہنما عثمان ڈار کا ایک ویڈیو پیغام سامنے آیا ہے جو انہوں نے پولیس وین سے جاری کیا ہے۔عثمان ڈار کا کہنا ہے کہ ان لوگوں نے سیالکوٹ سے گرفتار کر کے ہمیں قیدیوں کی وین میں ڈالا ہے اور یہ سمجھتے ہیں کہ کپتان کے لیے ہمارے دل میں جو محبت ہے، جنون ہے، جذبہ ہے اسے اس وین میں ڈال کر یہ قید کر لیں گے۔
We will fight against this imported Khakumat till my last blood ???? in my body.. pic.twitter.com/kWdXfEABep
— Usman Dar (@UdarOfficial) May 14, 2022
پی ٹی آئی رہنما نے مزید کہا کہ کان کھول کر سن لو، جیل میں ڈالو، باہر نکلیں گے پھر حقیقی آزادی کی تحریک شروع کریں گے، پھر جلسہ کریں گے، یہ طوفان اب رکنے والا نہیں ہے، ڈالو جیلوں میں بھروں جیلیں لیکن ہم عمران خان کے ساتھ ڈٹ کر کھڑے ہیں، جیلیں بھی کاٹیں گے لیکن اپنے لیڈر کے ساتھ وفاداری نہیں چھوڑیں گے۔
عثمان ڈار کا کہنا تھا کہ اس امپورٹڈ حکومت کو اپنے لیڈر عمران خان کی قیادت میں ہمیشہ ہمیشہ کے لیے دفن کر دیں گے۔