(مانیٹرنگ ڈیسک) پنجاب کے ضلع حافظ آباد میں ٹک ٹاکر لڑکی کی ہوائی فائرنگ کرتے ویڈیو سوشل میڈ یا پر وائرل ہوگئی۔
عام طور پر یہ تاثر پایا جاتا ہے کہ صرف لڑکے ہی ہاتھوں میں ہتھیار اٹھائے ٹک ٹاک ویڈیوز بناتے ہیں لیکن حافظ آباد کی لڑکیوں نے اس تاثر کوختم کردیا جسے ایک وائرل ہونے والی ویڈیو میں دیکھا جاسکتا ہے۔ویڈیو میں لڑکی پکڑے جانے کے خوف کے بغیر ہوائی فائرنگ کررہی ہے۔
ماضی میں ایسے کئی واقعات سامنے آئے ہیں جن میں مرد حضرات کو ہوائی فائرنگ کرنے یا اسلحہ کی نمائش کرنے پر گرفتار کیا گیا لیکن اب لگتا ہے کہ پولیس کو ٹک ٹاک ویڈیوبنانے کے لئے اسلحہ تھامنے والی لڑکیوں کے خلاف بھی سخت اقدامات کرنے ہوں گے۔