اس وقت سے ڈرنا چاہیے جب میں اصل میر جعفر کا نام لوں گا: عمران خان

سابق وزیراعظم عمران خان
کیپشن: Ex PM Imran Khan
سورس: Google
Stay tunned with 24 News HD Android App
Get it on Google Play

ویب ڈیسک: سابق وزیراعظم عمران خان نے کہا ہے کہ انہیں اُس وقت سے ڈرنا چاہیے جب میں اصل میر جعفر کا نام لوں گا۔

چیئر مین پاکستان تحریک انصاف عمران خان سے بنی گالہ میں سینئر اینکرز نے ملاقات کی۔  ملاقات میں عمران خان نے کہا کہ جنہوں نے کیسز بنائے انہوں نے ریلیف دیا تو میں کیا کرسکتا تھا، میری مس کیلکولیشن تھی، اسٹیک ہولڈرز کرپشن کو مسئلہ سمجھتے تھے، وقت آنے پہ پتہ چلا کہ کرپشن تو ان کا مسئلہ ہی نہیں۔

انہوں نے کہا کہ ان کی مس کیلکولیشن تھی کہ خان گیا تو پبلک نہیں نکلے گی۔ انہیں اُس وقت سے ڈرنا چاہیے جب میں اصل میر جعفر کا نام لوں گا، کرپشن کے معاملے پر کسی سے ہینڈ شیک نہیں کروں گا۔

چیئر مین پاکستان تحریک انصاف نے کہا کہ فوری طور پر الیکشن کی تاریخ دی جائے ورنہ لانگ مارچ ہو گا، ڈاکٹر رضوان سے شریفوں نے بہت غلط کیا، آئندہ کوئی بھی سرکاری افسر قاتلوں کے خلاف کارروائی سے ڈرے گا۔

انہوں نے کہا کہ علیم خان کو جیل میں نیب نے ڈالا جو ہمارے کنٹرول میں نہیں تھا۔ میں آئندہ مخلوط حکومت میں آنے کا سوچ بھی نہیں سکتا، اتحادی کے ساتھ حکومت بنانا میری بڑی سیاسی غلطی تھی۔