سٹی42:دنیا ٹینس کے عظیم کھلاڑی مشکل وقت میں پاکستانی عوام کی مدد کےلیے سامنے آگئے ۔ انٹرنیشنل اسٹارز رافیل نڈال، روجرفیڈرر ،نواک جوکووچ اور ثانیہ مرزا نے اپنا ٹینس سامان عطیہ کرنے کا اعلان کر دیا۔

تفصیلات کے مطابق  ٹینس اور کرکٹ کے مایہ ناز کھلاڑی بھی اعصام الحق کی کورونا وائرس کے خلاف جنگ کا حصہ بن گئے، نٹرنیشنل کھلاڑیوں کا اعصام الحق کی امدادی سرگرمیوں کے لئے اپنا سامان نیلام کرنے فیصلہ۔روجرفیڈرر نے شرٹ اور جوتے، جوکووچ اوررافیل نڈال نے شرٹس، بھارتی ٹینس کھلاڑی ثانیہ مرزا نے اپنا ریکٹ عطیہ کیا ہے.

Excited to officially inaugurate the #starsagainsthunger campaign tomorrow in sha Allah and ???????????? pic.twitter.com/Feh2pYZ2GQ

— Aisam ul Haq Qureshi (@aisamhqureshi) May 12, 2020

 ٹینس اسٹار اعصام الحق کہتے ہیں ایک لاکھ خاندانوں تک راشن اور دیگر ضروریات کی چیزیں پہنچانا ہدف ہے تمام اسٹارز کی چیزوں کی نیلامی سے اکھٹی ہونے والی رقم مستحق افراد کو راشن کی مد میں دی جائے گی۔اپیل ہے سب لوگ اس کام میں بڑھ چڑھ کر حصہ لیں اعصام الحق کی امدادی کاروائیوں کے لیے شعیب اختر اور وسیم اکرم  نے دستخط شدہ گیند، سکواش لیجنڈ جہانگیرخان نے ریکٹ، شعیب ملک نے شرٹ، شہبازاحمد سینئر نے ہاکی جبکہ سابق کپتان سرفرازاحمد نے اپنی شرٹ عطیہ کی ہے۔

Thanks #starsagainsthunger @rogerfederer @RafaelNadal @DjokerNole @MirzaSania @wasimakramlive @realshoaibmalik @shoaib100mph @StefTsitsipas @DaniilMedwed @GrigorDimitrov @jahangirkhan @amirkingkhan @SarfarazA_54 #shahbazahmed fr ur signed memorabilia pic.twitter.com/H9CSDFl26t

— Aisam ul Haq Qureshi (@aisamhqureshi) May 12, 2020

 جبکہ برطانوی نژاد پاکستانی باکسرعامر خان نے باکسنگ گلووز نیلامی کے لیے پیش کیے ہیں۔ کورونا وائرس کے خلاف جنگ میں دنیا بھر کی معروف شخصیات شریک ہیں جن میں کوئی فنڈز کے ذریعے مدد کررہا ہے تو کوئی مستحقین کو راشن فراہم کرنے کی ذمہ داری نبھارہا ہے۔

 پاکستان کی شوبز انڈسٹری کی شخصیات سمیت قومی کھلاڑی بھی اس صورتحال میں غریب اور نادار لوگوں کی مدد کرنے کے لیے خدمات سر انجام دے رہے ہیں جن میں شاہد آفریدی بھی اپنے فاؤنڈیشن کے تحت احسن کام کررہے ہیں۔