(احمد منصور) بلوچستان کے ضلع قلات میں سکیورٹی فورسز کے آپریشن  میں فتنہ الہندوستان کے 4دہشتگرد جہنم واصل ہو گئے۔

 پاک فوج کے شعبہ تعلقات عامہ آئی ایس پی آر کے مطابق بلوچستان میں سیکیورٹی فورسز نے فتنہ الہندوستان کے خلاف انٹیلی جنس بیسڈ آپریشن کیا،دوران آپریشن شدید فائرنگ کا تبادلہ ہوا ،جس میں  چار دہشت گرد مارے گئے،ہلاک دہشت گردوں سے اسلحہ و  ایمونیشن برآمد ہوا ۔

 آئی ایس پی آر کے مطابق علاقے میں کسی بھی دیگر بھارتی سرپرستی میں سرگرم دہشتگرد کے خاتمےکیلئے  کلیئرنس آپریشن جاری ہے۔ سیکیورٹی فورسز اور قانون نافذ کرنے والے ادارے نیشنل ایکشن پلان کے تحت منظور شدہ وژن “عزمِ استحکام” کے مطابق دہشتگردی کے مکمل خاتمے تک کارروائیاں جاری رکھیں گے۔آئی ایس پی آر کاکہنا ہے کہ پاکستان سے غیر ملکی سرپرستی میں ہونے والی دہشتگردی کے ناسور کے خاتمے کیلئے ریاست پُرعزم ہے۔