اپنےبند اکاؤنٹ بحال کریں، فیس بک نے نیا آپشن متعارف کرا دیا

اپنےبند اکاؤنٹ بحال کریں، فیس بک نے نیا آپشن متعارف کرا دیا

 ویب ڈیسک : فیس بک '' لائیو چیٹ اسپورٹ سسٹم'' متعارف کرادیا۔ فیس بک نے یہ سسٹم ان صارفین کے لیے ایک نئے فیچر کی صورت میں فراہم کیا ہے جو اپنے اکاؤنٹ تک رسائی حاصل نہیں کر سکتے یا کسی وجہ سے اس سے لاگ آؤٹ ہو چکے ہیں۔ 

یہ ان لوگوں کے لیے ایک کارآمد فیچر ہو گا جو اپنے اکاؤنٹس کو بازیاب کرانے کا طریقہ نہیں جانتے ۔ 

میٹا (Meta) کے ایک بیان کے مطابق ’’فیس بک ایپ پر ہم نے دنیا بھر میں انگریزی بولنے والے کچھ صارفین کے لیے لائیو چیٹ کی معاونت کی جانچ بھی شروع کر دی ہے، جن میں تخلیق کار بھی شامل ہیں جن کے اکاؤنٹس کو بند کر دیا گیا ہے۔ یہ پہلا ٹیسٹ ان لوگوں کے لیے ہے جو غیر معمولی سرگرمی کی وجہ سے اپنے اکاؤنٹس تک رسائی حاصل کرنے سے قاصر ہیں یا جن کے اکاؤنٹس کمیونٹی معیارات کی خلاف ورزی کے نتیجے میں غیر فعال کر دیے گئے ہیں‘‘۔

سپورٹ ایجنٹ آن لائن آپ کی مدد کر سکتے ہیں۔  اب صارفین ریئل ٹائم میں بات کرسکیں گے۔ ۔ فیس بک یا انسٹاگرام پر  بھی انہیں شامل ہونے کے لیے مدعو کیا  جائے گا  تو اسے کوئی بھی استعمال کرسکتا ہے۔

آپ کے اکاؤنٹس تک رسائی کھونے یا آپ کے اکاؤنٹس تک رسائی سے بلاک ہونے کے بعد فیس بک ایک پاپ اپ دکھائے گا جس میں لوگوں سے ان سے بات کرنے کی درخواست کی جائے گی۔ اگر کسی صارف کو دشواری ہو تو پیغام میں مشورہ دیا گیا ہے کہ وہ کسٹمر سروس کے نمائندے سے رابطہ کریں۔ جب ’’آپ ہمارے ساتھ چیٹ کریں‘‘ کو منتخب کریں گے، تو ایک نئی چیٹ ونڈو ظاہر ہوگی اور آپ کسٹمر سروس کے نمائندے سے جڑ جائیں گے جو آپ کے اکاؤنٹ تک دوبارہ رسائی حاصل کرنے میں آپ کی مدد کرے گا۔

فیس بک نے صارفین کے لیے اپنی پوسٹس پر بدسلوکی کرنے والے تبصروں کو فلٹر کرنے کے لیے کمنٹ ماڈریشن کے نئے ٹولز بھی شامل کیے ہیں۔ اب وہ مخصوص شرائط کی بنیاد پر تبصروں کو فلٹر کر سکتے ہیں اور لنکس یا تصاویر کو خود بخود چھپا سکتے ہیں۔

یہ فیس بک کے صارفین کے لیے ایک حفاظتی پروگرام ہے  اسے صارفین کو سائبر حملوں سے بچانے کے لیے ڈیزائن کیا گیا ہے۔ سیکیورٹی پروگرام کے ایک حصے کے طور پر فیس بک کے اہم صارفین کو فیس بک پروٹیکٹ آپشن کو فعال کرنے اور دو عنصر کی تصدیق کو فعال کرنے کا اشارہ دکھایا جائے گا۔