سٹی 42: فلڈ فورکاسٹنگ ڈویژن نے  14 سے 20 اگست تک سیلابی صورتحال کا نیا الرٹ جاری کردیا۔
فلڈ فورکاسٹنگ ڈویژن کے مطابق 17 اگست سے بارشوں کے اسپیل میں شدت آنے کا امکان ہے ۔بڑے دریاؤں میں پانی کے بہاؤ میں اضافے کی پیشگوئی کی گئی ۔
دریائے راوی اور چناب میں وقفے وقفے سے نچلے درجے کے سیلاب کا امکان ہے ۔راوی اور چناب کے نالوں میں درمیانے سے اونچے درجے کے سیلاب کا خدشہ ہے ۔
ڈی جی خان کے پہاڑی ندی نالوں میں آئندہ 48 گھنٹوں کے دوران طغیانی کا امکان ہے ۔17 سے 19 اگست تک دریائے کابل کے معاون ندی نالوں میں سیلاب کا خدشہ ہے ۔
بالائی پنجاب، بالائی خیبرپختونخوا، کشمیر اور گلگت بلتستان میں بارشوں کی پیشگوئی بھی کی گئی ۔