(علی رامے)  پنجاب نے وفاق سے صوبائی محصولات میں اپنا حصہ مانگ لیا ، پنجاب نے  وفاق سے صوبائی محصولات میں 140 ارب روپے جاری کرنے کا مطالبہ کردیا۔

ذرائع کے مطابق پنجاب سے ٹیکس حاصل کرنے پر صوبائی حکومت نے وفاق سے اپنا حصہ مانگ لیا ہے جس کا مجموعی حجم ایک سو چالیس ارب روپے ہے ، پنجاب حکومت کو ٹیکس کی مد میں صوبائی شیئر ملنے سے صوبے کے ترقیاتی بجٹ میں مزید اضافہ ہوگا ،ایف بی آر کی جانب سے وصول کیے گئے ٹیکس پر پنجاب کو شیئر ملنا قانونی حق ہے ۔

ذرائع کا کہنا ہے کہ اس حق کے لیے پنجاب حکومت متحرک ہوچکی ہے اور وفاقی حکومت کو باقاعدہ آگاہ کردیا گیا ہے کہ وہ صوبائی شیئر پنجاب کے حوالے کرے تاکہ اس کا بروقت استعمال ہوسکے  ۔