(مانیٹرنگ ڈیسک)لاہورکی احتساب عدالت نے وزیراعظم شہبازشریف کی عدالت سے حاضری معافی کی درخواست منظورکرلی ۔ 

لاہورکی احتساب عدالت میں وزیراعظم شہباز شریف سمیت دیگرملزمان کے خلاف منی لانڈرنگ سمیت دیگر مقدمات کی سماعت ہوئی، وزیراعظم شہباز شریف کی جانب سے 3 کیسز میں آج حاضری معافی کی درخواست جمع کرا دی گئی۔وزیراعظم کی لیگل ٹیم نےعدالت میں حاضری معافی کی درخواست دائر کی جس میں استدعا کی گئی کہ وزیراعظم شہباز شریف آج عدالت پیش نہیں ہو سکتے اس لئےعدالت حاضری معافی کی درخواست منظور کی جائے۔ 

پنجاب اسمبلی میں اپوزیشن لیڈرحمزہ شہباز احتساب عدالت کے روبرو پیش ہوئے اور حاضری مکمل کرائی جس کے بعد عدالت نے انھیں واپس جانےکی اجازت  دے دی۔ عدالت نے شہبازشریف کی حاضری معافی کی درخواست منظور کرتے ہوئے کیسز کی سماعت 28 اپریل تک ملتوی کردی۔