سٹی 42 : شہر کے مختلف علاقوں میں بارش کے بعد موسم خوشگوار ہوگیا . 

لاہور کے علاقوں جوہر ٹاؤن، ٹاؤن شپ اور گرین ٹاؤن میں تیز بارش شروع ہوگئی۔اس کے علاوہ مسلم ٹاؤن، برکت مارکیٹ اورکینال روڈکے اطراف بارش کا سلسلہ شروع ہوگیا، جس کے بعد موسم خوشگوار ہوگیا ہے۔

اچھرہ و اطراف میں تیز آندھی، کینال روڈ جانب جیل روڈ انڈر پاس تیز آندھی کے سبب درخت گر گیا، درخت گرنے سے ٹریفک کی روانی جزوی طور پر متاثر رہی تاہم ٹریفک پولیس نے بروقت کارروائی کرتے ہوئے درخت فوری طور پر ہٹادیا گیا ۔ شاہراہ ٹریفک کے لیے کلئیر، گاڑیوں و موٹر سائیکلوں کی آمد و رفت جاری ہے ۔