(مانیٹرنگ ڈیسک) پاکستان عوامی مسلم لیگ کے سربراہ اور سابق وفاقی وزیر داخلہ شیخ رشید نے مہنگائی کے خلاف جماعت اسلامی اور پاکستان عوامی تحریک کے احتجاج کی حمایت کردی۔
سماجی رابطے کی ویب سائٹ ٹویٹر پر اپنے ٹویٹ میں سابق وزیر داخلہ عوامی مسلم لیگ کے سربراہ شیخ رشید نے کہا کہ امپورٹڈ حکومت آئی ایم ایف کو بھی خوش نہیں کرسکی، یہ تو صرف معیشت تباہ کرنے آئی ہے، غیر ملکی ترسیلات اور زرمبادلہ میں کمی اسی حکومت کی دی ہوئی ہے،ملک میں اس وقت 10، 10 گھنٹے کی لوڈشیڈنگ ہورہی ہے اور لوگ مر رہے ہیں۔
امپورٹڈ حکومت آئی ایم ایف کو بھی خوش نہیں کر سکی تو صرف معیشت تباہ کرنے آئی ہے، غیر ملکی ترسیلات اور زرمبادلہ میں کمی ان کا دیا ہے۔ 10 گھنٹے کی لوڈشیڈنگ سے لوگ مر رہے ہیں۔ مہنگائی پر جماعت اسلامی اور PAT کے احتجاج دونوں کی میں حمایت کرتا ہوں۔منگل کو الیکشن کمیشن جاؤں گا۔
— Sheikh Rashid Ahmed (@ShkhRasheed) June 12, 2022
انہوں نے کہا کہ مہنگائی کے خلاف جماعت اسلامی اور عوامی تحریک کے احتجاج دونوں کی حمایت کرتا ہوں جبکہ منگل کو الیکشن کمیشن جاؤں گا۔
اس سے قبل شیخ رشید نے ٹویٹ کرتے ہوئے کہا تھا کہ بجٹ سے قبل ہی پٹرول، گیس، بجلی اور گھی کی قیمتوں میں اضافہ کردیا گیا تھا، اب تاریخی خسارے کے ساتھ کھاد، قدرتی گیس اور دکانداروں کے بجلی کے بلوں میں فکس ٹیکس نے بجلی گرائی ہے۔