زین مدنی: لالی وڈ انڈسٹری کی نئی فلم وجود کو پنجاب فلم سنسر بورڈ نے پاس کردیا، فلم عید الفطر پر نمائش کے لئے پیش کی جائے گی۔
سٹی 42 نیوز ذرائع کے مطابق لالی وڈ انڈسٹری کی ایک اور معیاری فلم کو پنجاب فلم سنسر بورڈ نے عام نمائش کے لئے سنسر سرٹیفکیٹ جاری کردیا ہے۔ فلم وجود کو عید الفطر پر سینما گھروں میں نمائش کے لئے پیش کیا جائے گا۔
فلم کی کاسٹ میں اداکار جاوید شیخ، ندیم شاہد ،دانش تیمور اور سعیدہ امتیاز شامل ہیں۔ فلم ترکی میں عکس بند کی گئی ہے، جسے پروڈیوس اور ڈائریکٹ جاوید شیخ نے کیا ہے۔ فلم بورڈ کے تمام ممبرز نے فلم کو ان کٹ سنسر کیا۔