ویب ڈیسک:بھارتی ریاست احمد آباد میں مسافر طیارہ حادثے کی ابتدائی رپورٹ سامنے آ گئی ہے۔

 ابتدائی رپورٹ کے مطابق بھارتی مسافرطیارہ ایندھن سپلائی بند ہونے کی وجہ سے گرا، ایندھن کنٹرول کرنے والے دونوں سوئچ بند ہو گئے تھے، ایندھن منقطع ہونے سے انجن بند اور جہاز نیچے آنے لگا۔

رپورٹ میں بتایا گیا کہ ریکارڈنگ میں ایک پائلٹ دوسرے سے کٹ آف کی وجہ پوچھتا ہے، دوسرا پائلٹ جواب دیتا ہے کہ اس نے کٹ آف نہیں کیا، مکمل تحقیقات میں ایک سال سے زائد کا عرصہ لگ سکتا ہے۔

رپورٹ میں سوئچ بند ہونے کی کوئی وجہ نہیں بتائی گئی، ایئر انڈیا کے مسافر طیارہ حادثے میں 242 افراد سوار تھے۔