قیصر کھوکھر : پی پی ایس سی کا 7 محکموں کی 85 آسامیوں پراُمیدواروں کے حتمی نتائج کا اعلان, محکمہ انڈسٹری،پی اینڈ ڈی ، لوکل گورنمنٹ سمیت دیگر محکموں کی آسامیوں پراُمیدوار کامیاب قرار,نوٹیفکیشن جاری کر دیا گیا۔
ترجمان پنجاب پبلک سروس کمیشن کے مطابق محکمہ انڈسٹری میں اسسٹنٹ سول انجینئر کی آسامی پر 5اُمیدوار تحریری امتحان میں کامیاب ہوئے۔پی اینڈ ڈی میں اسسٹنٹ ڈائریکٹر ٹیکنیکل کی 8 آسامیوں پر 26 اُمیدوار کامیاب قرارپائے۔محکمہ لوکل گورنمنٹ میں اسسٹنٹ انجینئر کی 5 آسامیوں پر 26 اُمیدوار کامیاب ٹھہرائے گئے۔کمیونی کیشن اینڈ ورکس میں 42 آسامیوں پر 179 اُمیدواروں نے میدان مار لیا۔
اسسٹنٹ رجسٹرار کوآپریٹو سوسائٹیز کی 29 آسامیوں پر 4ہزار 29 اُمیدوار کامیاب ہوئے۔ترجمان کے مطابق تحریری امتحان میں کامیاب اُمیدواروں کو انٹرویو کیلئے بلایا جائے گا۔سیکرٹری پنجاب پبلک سروس کمیشن افضال احمد نے تحریری اور حتمی اُمیدواروں کےنوٹیفکیشن جاری کر دئیے۔