سٹی42: انٹر بینک میں امریکی ڈالر کے ساتھ پاکستان کے روپیہ کا ایکسچینج ریٹ مزید بڑھ گیا۔ روپیہ مزید تگڑا اور ڈالر کمزور ہو گیا۔
بدھ کے روز انٹر بینک میں امریکی ڈالر مزید 1 روپیہ سستا ہوا اور 280 روپے سےنیچے آگیا ۔
اسٹیٹ بینک کی رپورٹ کے مطابق انٹر بینک میں ڈالر 280.51 روپے سے گر 279.51 روپے پر بند ہوا۔
اسٹیٹ بینک کے اعداد و شمار کے مطابق ڈالر کا انٹر بینک ایکسچینج ریٹ 307.10 روپے کی بلند ترین سطح پر پہنچ کر اب تک 27.59 روپے کم ہو چکا ہے۔
معیشت کے ماہرین کا کہنا ہے کہ ڈالر کی قدر میں کمی سے درآمدی لاگت میں کمی ہوگی، روپیہ کے مقابلہ میں ڈالر سستا ہونے سے مہنگائی کی بڑھتی رفتار کم ہوجائے گی۔