سٹی 42: لاہور ڈسٹرکٹ ویٹ لفٹنگ ایسوسی ایشن (LDWA) نے والڈ سٹی آف لاہور اتھارٹی (WCLA) کے تعاون سے لاہور ڈسٹرکٹ مینز اینڈ ویمنز ویٹ لفٹنگ چیمپئن شپ 2026 کے انعقاد کا اعلان کیا ہے۔ ایونٹ، جو کہ ویٹ لفٹنگ کو فروغ دینے اور مقامی ٹیلنٹ کو اجاگر کرنے کے لیے ڈیزائن کیا گیا ہے، لاہور کے تاریخی مرکز میں منعقد ہوگا۔

 پاکستان ویٹ لفٹنگ فیڈریشن کے ترجمان سہیل جاوید بٹ کے مطابق چیمپئن شپ دو روز یعنی 16 اور 17 اپریل (جمعرات اور جمعہ) کو اے آر ٹی   ویٹ لفٹنگ کلب، علی پارک، فورٹ روڈ، لاہور میں منعقد ہو گی جس میں ریٹائرڈ پروفیسر محمد اظہر آرگنائزنگ سیکرٹری ہونگے ۔

ترجمان  سہیل جاوید نے بتایا کہ مقابلے میں ضلع بھر سے سرفہرست مرد اور خواتین ایتھلیٹس شامل ہوں گے جبکہ والڈ سٹی کے تعاون سے بادشاہی مسجد اور لاہور فورٹ جیسے مشہور مقامات کے قریب چیمپئن شپ کی میزبانی کرکے منتظمین کا مقصد لاہور کے شاندار ثقافتی ورثے کو جدید کھیلوں کی عمدہ کارکردگی کے ساتھ ملانا ہے۔

 اُنہوں نے مزید کہا کہ یہ چیمپئن شپ نہ صرف ابھرتے ہوئے کھلاڑیوں کے لیے ایک پلیٹ فارم مہیا کرتی ہے بلکہ لاہور کی تاریخی ماحول میں کھیلوں کے کلچر کو فروغ دینے کے بڑھتے ہوئے عزم کی بھی عکاسی کرتی ہے۔

واضح رہے کہ عوامی شرکت کی حوصلہ افزائی کے لیے، منتظمین نے تماشائیوں، کھلاڑیوں، آفیشلز اور مہمانوں کے لیے مفت داخلہ کا اعلان کیا ہے۔