(محمدساجد) سابق وزیراعظم عمران خان کی سوشل میڈیا پر ایک ویڈیو خوب وائرل ہورہی ہے جس میں ان کو آبدیدہ ہوتے دیکھا جاسکتا ہے۔
تفصیلات کےمطابق سوشل میڈیا پر سابق وزیراعظم عمران خان کی نئی ویڈیو سامنےآئی جس میں ان کو آبدیدہ ہوتے دیکھا جاسکتا ہے، وائرل ویڈیو میں عمران خان پارٹی کے دیگر رہنماؤں کے ساتھ سٹیج پر بیٹھے ہیں، گلوکاری کو خیرباد کہنے والےنجم شیراز کو نعت پڑھتے سنا جاسکتا ہے، چیئرمین تحریک انصاف اور دیگر توجہ سے نجم شیراز کی نعت کو سن رہے ہیں، نجم شیراز کی نعت سنتے ہوئے عمران خان آبدیدہ ہوگئے۔
انسٹاگرام پر بنے ' imrankhan.is.life' اکاؤنٹ پر اس ویڈیو کو شیئر کیا گیا جس کے کیپشن میں لکھا کہ' عمران خان کو پہلی بار اسے اس طرح روتے دیکھا،وہ ایسی پاکیزہ روح ہے ان کی اسلام اور محمد صلی اللہ علیہ وسلم سے محبت ناقابل بیان ہے،میں خود کو اسے بار بار دیکھنے سےنہیں روک سکتا۔
View this post on Instagram