ویب ڈیسک : کیش پر شاپنگ کرنے والوں کیلئے بجٹ میں سیلز ٹیکس میں اضافے کے حوالے سے اہم خبر سامنے آئی ہے۔
ذرائع کے مطابق آئندہ بجٹ میں 200 ارب روپے کے ٹیکس ریلیف کا امکان ظاہر کیا گیا ہے، کیش پر جی ایس ٹی 2 فیصد اضافے دینے کی تجویز ہے۔
ذرائع کا کہنا تھا کہ اے ٹی ایم اور کریڈٹ کارڈ سے شاپنگ پر سیلز ٹیکس 18 فیصد ہوگا جبکہ کیش پر شاپنگ کرنے سے سیلز ٹیکس 18 کے بجائے 20 فیصد دینا پڑے گا۔
دوسری جانب آئندہ مالی سال کے ٹیکس ہدف میں 2 ہزار ارب روپے اضافے کی تجویز دی گئی ہے ۔
سٹی42: آن لائن سامان بیچ کر ٹیکس فری مال بنانے والوں کے سنہرے دن تمام ہوئے، پاکستان کی حکومت نے آن لائن سامان بیچنے والوں پر بھی سیلز ٹیکس لگا دیا۔
وفاقی حکومت نے بجٹ 26-2025 میں آئن لائن خریداری پر 18 فیصد سیلز ٹیکس عائد کرنےکا اعلان کیا ہے۔
وزیر خزانہ محمد اورنگزیب نے بجٹ پیش کرتے ہوئے بتایا کہ حکومت سیلز ٹیکس ایکٹ میں ترمیم کر کے آن لائن کاروبار اور ڈیجیٹل مارکیٹ پلیسز پر فروخت کی جانے والی پروڈکٹس پر سیلز ٹیکس وصول کرے گی۔
ڈیجیٹل مارکیٹ پلیٹ فارمز پر سامان فروخت کرنے والے خواہ امیر ہوں یا بہت زیادہ امیر وہ اپنی بیچی ہوئی پروڈکٹس پر کوئی تیکس نہیں دیتے تھے۔ ان لوگوں کی بیچی ہوئی چیزیں دوجکانوں اور شاپنگ مالز پر رکھ کر بیچنے والے تاجر تمام پروڈکٹس پر سیلز ٹیکس بھی دیتے ہیں اور بہت سے دوسرے ٹیکس بھی دیتے ہیں۔ ان کاروباری افراد اور آن لائن پروڈکٹس فروخت کرنے والوں کے درمیان نابرابری ختم کرنے کے لئے وفاقی حکومت نے اب آن لائن پلیٹ فارمز سے بھی تمام فروخت شدہ پروڈکٹس پر 18 فیصد سیلز ٹیکس وصول کرنے کا اعلان کر دیا ہے۔ بجٹ منظور ہوتے ہی اس ٹیکس کا نفاذ عمل میں آ جائے گا۔
اس وقت صورتحال یہ ہے کہ (Digital Market Places) کی تیزی سے ترقی نے ٹیکس قوانین کی پاسداری کرنے والے روایتی کاروباروں کے لیے مشکلات پیدا کر دی ہیں۔
وزیر خزانہ اورنگ زیب نے اپنی بجٹ سپیچ میں کہا، معیاری مسابقتی فضا پیدا کرنے اور ٹیکس قوانین کی مکمل پاسداری کو یقینی بنانےکے لیے یہ تجویز کیا جاتا ہےکہ ای کامرس پلیٹ فارمز کی طرف سے ترسیل کرنے والےکورئیر اور لاجسٹکس خدمات فراہم کرنے والے ادارے 18 فیصد کی شرح سے ان ای کامرس پلیٹ فارمز سے سیلز ٹیکس وصول کرکے جمع کرائیں گے۔
حکومت کو توقع ہے کہ اس اقدام سے اربوں روپے سیلز ٹیکس جمع ہو گا اور آن لائن مارکیٹنگ کو ریگولیٹ کرنے میں مدد ملے گی۔ اس وقت صورتحال یہ ہے کہ حکومت کو یہ بھی پتہ نہیں ہوتا کہ آن لائن مارکیٹنگ کرنے والے دراصل کس بڑے سیٹھ کیلئے کام کرتے ہیں اور منافع کا کتنا حصہ کس کی جیب میں جاتا ہے۔
آن لائن مارکیٹنگ کے ابھار نے بہت سے چھوٹے مینوفیکچرر بھی پیدا کئے ہیں جو انتہائی چھوٹے پیمانہ پر مینوفیکچرنگ کر کے اپنی پروڈکٹس محدود آن لائن مارکیٹنگ سے فروخت کر کے پیسہ کما رہے ہیں، ان مینوفیکچررز کیلئے آن لائن سیل پر سیلز ٹیکس کا نفاذ بظاہر کوئی مسئلہ پیدا نہیں کرے گا کیونکہ سیلز ٹیکس کے متعلق پاکستان میں یونیورسل اپروچ یہ ہے کہ یہ ٹیکس کنزیومر کو ہی ادا کرنا ہے۔
June 06, 2026
June 06, 2026
سٹی42: وفاقی حکومت نے قومی اسمبلی کے بجٹ اجلاس میں بجٹ 2025-26 پیش کرتے ہوئے ٹیکس کے نظام کو دھوکا دینے والوں کے لئے جینا مشکل بنانے کے کئی اقدامات بھی کر ڈالےْ اب جو لوگ اچھا خاصا مال رکھنے کے باوجود بہانے بازی کر کے اپنے ٹیکس ریٹرن بھرنے سے بچتے رہے ہین، وہ نارمل شہریوں جیسے بہت سے کام نہیں کر سکیں گے۔
وفاقی وزیر خزانہ محمد اورنگزیب نے قومی اسمبلی کے بجٹ اجلاس میں بتایاکہ نئے بجٹ میں نان فائلرز کے رقوم نکلوانے پر ٹیکس مزید بڑھایا گیا ہے۔
نیا بجٹ پاس ہوتے ہی صرف ٹیکس گوشوارے اور ویلتھ سٹیٹمنٹ جمع کرانے والوں کو مالی لین دین کرنے کی اجازت ہو گی۔ کوئی شخص جو اب تک ٹیکس ریٹرنز جمع نہیں کروا رہا اور گاڑی، جائیداد خریدنے کے پیسے رکھتا ہے، وہ اب گاڑی خرید سکے گا نہ جائیداد۔ وزیر خزانہ نے اپنی بجٹ سپیچ میں بتایا کہ نان فائلر گاڑی یا غیرمنقولہ جائیداد نہیں خرید سکے گا۔
نان فائلرز سکیورٹیز اور میوچل فنڈز میں انویسٹمنٹ بھی نہیں کر سکے گا۔
اس بجٹ میں نان فائلرز کو بینک میں اپنے نام سے اکاؤنٹ کھولنے کے حق سے محروم کرنے کی تجویز بھی شامل ہے۔
سٹی42: پاکستان نے دس مئی کو دشمن کے ایک گھونسے کا جواب لاتعداد تھپڑوں، گھونسوں اور ٹھڈوں سے دے کر دشمن کی فوجی برتری کو مٹی میں ملایا تھا، آج ایک ماہ بعد نئے بجٹ میں قومی وقار کے تحفظ کے لئے مزید انقلاب آفریں اقدامات کر کے خود انحصاری کے ایجنڈا کو آگے بڑھا دیا گیا۔
پاکستان میں بننے والی بہت سی پروڈکٹس کی تیاری کی لاگت کم کرنے کے لئے وفاقی حکومت نے بہت سے ٹیکس، امپورٹ ڈیوٹیاں کم کر دیئے۔ پیداواری لاگت کم ہونے سے یہ تمام پروڈکٹس سستی ہوں گی اور شہریوں کو اپنی موجودہ آمدنی سے ہی بہتر معیاز زندگی حاصل ہو گا۔
ایل ای ڈی بلب کے خام مال کی امپورٹ پر ڈیوٹی صفر کردی گئی ہے۔
وفاقی حکومت کے انقلابی اقدامات سے بھرے بجٹ میں پاکستان میں بننے والی گاڑیوں کو سستا کرنے کا بھی انتظام کر دیا گیا۔
وفاقی وزیر خزانہ اورنگ زیب نے قومی اسمبلی کے بجٹ اجلاس میں آج جو فنانس بل پیش کیا اس میں مقامی گاڑیوں کے انجن کی امپورٹ پر ڈیوٹی کم کردی گئی۔
اس بجٹ کی منظوری کے دن سے پاکستان میں مقام گاڑیوں کی مینیوفیکچرنگ کی حوصلہ افزائی کے لئے مقامی گاڑیوں کے خام مال اور سی کے ڈی پر ڈیوٹی 20 فیصد سے کم کر کے 15 فیصد کر دی گئی ہے۔
ریڈیو براڈ کاسٹ ٹرانسمیٹرز پر بھی ڈیوٹی 20 سے کم کرکے 15 فیصد کی گئی ہے۔
ٹی وی براڈ کاسٹ ٹرانسمیٹر پر ڈیوٹی 20 کے بجائے 15 فیصد کردی گئی ہے۔
فنانس بل کے مطابق فارما سوٹیکل کے 381 خام مال پر ڈیوٹی صفر کردی گئی ہے، صنعتوں کے پیکیجنگ کے خام مال پر ڈیوٹی 10 سے کم کرکے 5 فیصد کی گئی ہے۔
ڈائیگنوسٹک کٹ پر ڈیوٹی 10 سے کم کرکے 5 فیصد کردی گئی ہے۔
علاوہ ازیں تیل اور گیس تلاش کرنے والی کمپنیوں کی مشینری اور پلانٹ پر ڈیوٹی میں کمی کی گئی ہے، پیٹرولیم کمپنیوں کی مشینری، پلانٹ اور خصوصی گاڑیوں پر ٹیکس 15 کے بجائے 10 فیصد ہوگا۔
سمگلنگ کی روک تھام کے لیے کارگو ٹریکنگ سسٹم عائد کیا گیا ہے، ایل ای ڈی بلب کے خام مال کی امپورٹ پر ڈیوٹی صفر کردی گئی۔
فنانس بل کے مطابق اسٹیل کے خام مال پر ڈیوٹی 15 سے کم کرکے 10 فیصد کی گئی ہے، ٹیکسٹائل خام مال پر ڈیوٹی صفر کردی گئی ہے، انڈسٹریل، سلائی مشین پر ڈیوٹی ختم کردی گئی ہے۔
June 06, 2026
June 06, 2026
سٹی 42: وزیراعلیٰ پنجاب نے عوام دوست بجٹ پیش کرنے پر وزیراعظم اورانکی ٹیم کو مبارکباد دی
وزیراعلیٰ پنجاب مریم نواز نے کہا بجٹ پائیدار ترقی کے اہداف کے حصول میں معاون ثابت ہوگا،پاکستان معاشی گرداب سے نکل کر ترقی کی راہ پر گامزن ہوچکا ہے،بجٹ میں متوسط طبقے کو ریلیف دیاگیا،مصنوعی مہنگائی مزید کم ہوگی،آئی ایم ایف سے نجات کا عزم شاندار مستقبل کی نوید ثابت ہوگا،نئے مالی سال کا بجٹ عوام کیلئے خوشی اور خوشحالی لائے گا،
پاکستان مسلم لیگ(ن) کے قائد محمد نوازشریف کی رہنمائی اوروزیراعظم محمد نوازشریف کی قیادت میں بہترین بجٹ پیش کیاگیا ہے۔پاکستان کا پہلا ملازمین دوست،کسان دوست،صنعتکار دوست اورعوام دوست بجٹ پیش کرنے پر خراج تحسین پیش کرتے ہیں۔معیشت کی ترقی کا ثمر ہر فرد تک پہنچانے کیلئے پر عزم ہیں۔تعلیم اورصحت کیلئے ریکارڈ بجٹ مختص کرنا پاکستان مسلم لیگ(ن) کی قیادت کے عوام سے لگاؤ کا منہ بولتا ثبوت ہے۔وطن عزیز میں پائیدار ترقی کا سفر شروع ہوچکا ہے۔الحمدللہ ۔عوام کے لئے آسانیوں کے دن آچکے ہیں۔
سٹی42: وزیراعظم شہباز کی ھکومت نے اکنامک ایکٹیویٹی کو مزید تیز کرنے کے لئے ایک اور انقلابی اقدام کر ڈالا۔ کمرشل جائیدادوں اور گھروں کی فروخت پر عائد 7 فیصد ٹیکس ختم کر دیا۔
وفاقی حکومت نے آج شام قومی اسمبلی کے بجٹ اجلاس مین جو بجٹ تجاویز پیش کی ہین ان مین پاکستان مین تعمیراتی سرگرمیوں کو نئے عروج تک لے جانے کے لئے دور رس نتائج کے حامل بہت سے فیصلے کئے گئے ہیں۔ ایک اہم فیصلہ
تمام کمرشل جائیدادوں اور گھروں کے انتقال کے عمل پر عائد 7 فیصد فیدرل ایکسائز ڈیوٹی بیک جنبشِ قلم ختم کر دی گئی ہے۔
بجٹ میں جائیداد کی خریداری پر ودہولڈنگ ٹیکس بھی 4 فیصد سے کم کر کے 2.5 فیصد کر دیا گیا ہے اور 3.5 فیصد سے کم کر کے 2 فیصد کر دیا گیا ہے۔ جن پراپرٹیز کی خریداری پر پہلے 3 فیصد س ٹیکس لیا جا رہا ہے اب ان جائیدادوں کی خریداری پر ٹیکس کم کر کے 1.5 فیصد کرن دیا جائے گا۔
کمرشل جائیدادوں، پلاٹس اور گھروں کی منتقلی پر گذشتہ سال عائد کی جانے والی 7 فیصد تک کی فیڈرل ایکسائز ڈیوٹی ختم کر دی گئی ہے۔
چھوٹے گھروں کی تعمیر کیلئے قرضے پر ٹیکس دینے کی بجائے ٹیکس کریڈٹ ملیں گے
کم لاگت کے گھروں کی تعمیر کے لیے قرض فراہم کرنے اور مورگیج کی حوصلہ افزائی کے لیے 10 مرلے تک کے گھروں اور 2 ہزار اسکوئر فٹ تک کے فلیٹس پر ٹیکس کریڈٹ متعارف کرایا جا رہا ہے۔
حکومت مورگیج فنانسنگ کو پروموٹ کرے گی اور اس سلسلے میں ایک جامع نظام متعارف کرایا جائے گا۔
June 06, 2026
June 06, 2026
سٹی42: وزیراعظم شہباز کی حکومت نے برباد ہو چکی معیشت کو بحال کرنے کے لئے تین سال تک اپنے ساتھ عوام کا بھی خوب عرق نکالا لیکن آج نئے بجٹ میں عوام کو ریلیف دینے کے ضمن میں بڑی پیش رفت کر کے عوام کو سرپرائز دے دیا۔ نئے بجٹ میں تنخواہ دار شہریوں کے لئے ٹیکس میں نمایاں کمی کر دی گئی۔
وزیر خزانہ محمد اورنگزیب نے قومی اسمبلی کے بجٹ اجلاس میں اپنی بجٹ تقریر میں انکم ٹیکس میں کمی کا سرپرائز دیتے ہوئے کہا کہ تنخواہ دار شہریوں کیلئے تمام ٹیکس سلیبز میں کمی کر دی گئی ہے۔
چھ سے بارہ لاکھ تنخواہ ٹیکس کی شرح 1 فیصد ہو گی۔
بارہ لاکھ آمدن پر ٹیکس کی رقم 30 ہزار روپے سے کم کر کے 6 ہزار کی جا رہی ہے۔
بائیس لاکھ تک تنخواہ پر ٹیکس کی شرح 15 فیصد سے کم کر کے 11 فیصد مقرر کرنے کی تجویز کی گئی ہے۔
22 سے 32 لاکھ روپے تنخواہ پر ٹیکس کی شرح 25 فیصد سے کم کر کے 23 فیصد کر دی گئی ہے۔
وسیم عظمت: آئی ایم ایف کے افسر منہ دیکھتے رہ گئے، پاکستان نے آئی ایم ایف کی سفارشوں اور مطالبوں کو ایک طرف رکھ کر آخری لمحہ میں وہی کیا جو پاکستان کی دو بڑی سیاسی قوتوں مسلم لیگ نون اور پاکستان پیپلز پارٹی کی قیادت نے طے کیا تھا۔
وفاقی حکومت کے تمام اداروں کے ملازموں کی تنخواہیں بڑھانے کے لئے وزارت خزانہ کے پاس دستیاب وسائل میں گنجائش نہ ہونے کے برابر تھی لیکن غریب دوست وزیراعظم شہباز شریف اور غریب پرور سابق وزیر خارجہ بلاول بھٹو زرداری نے تین سال سے معاشی بحران کا بوجھ اٹھاتے شہریوں کو اس بجٹ میں ہر صورت میں ریلیف دینے کی ٹھان لی اور وزارت خزانہ کو مجبور کر دیا کہ تمام سرکاری ملازمین کی تنخواہیں کم از کم 10 فیصد بڑھانے کا ہر صورت میں بندوبست کیا جائے۔
ذمہ دار سرکاری ذرائع نے بتایا کہ وزیراعظم شہباز شریف اور پاکستان پیپلز پارٹی کے چیرمین بلاول بھٹو نے باہم طے کیا تھا کہ سرکاری ملازمین کی تنخواہوں مین اضافہ دس فیصد تو بہرحال ہونا چاہئے۔ وزارت خزانہ کے تمام عذر اور آئی ایم ایف کی تمام تنبیہوں کو ایک طرف رکھتے ہوئے وزیراعظم نے وزیر خزانہ کو حکم دیا کہ وفاقی ملازموں کی تنخواہوں میں اضافہ دس فیصد کیا جائے۔
وزارت خزانہ نے آئی ایم ایف کے ساتھ بجٹ کے اخراجات کے متعلق جو کمیونیکیشن کی تھی اس میں آئی ایم ایف نے بجٹ میں وفاقی حکومت کے ملازموں کی تنخواہیں صرف 6 فیصد بڑھانے کی سفارش کی تھی۔ اس ہی سفارش کو لے کر وزارت خزانہ نے بجٹ بنایا تھا۔ یہ ہی فنانس بل آج وفاقی کابینہ کے اجلاس مین منظوری کے لئے پیش کیا گیا تھا۔ کابینہ کے اجلاس میں وزارت خزانہ کی طرف سے بتایا گیا کہ وزیراعظم کی ہدایت کے باوجود سرکاری ملازموں کی تنخواہوں میں چھ فیصد سے زیادہ اضافہ کرنا ممکن نہیں۔ اس پر وزیراعظم نے سخت مؤقف اختیار کیا اور کہا کہ تنخواہوں میں اضافہ بہرحال دس فیصد کیا جائے اور باقی بجٹ اخرااجات پر نظر ثانی کر کے گیپ پورا کیا جائے۔
وزیراعظم کی ضد پر وزارت خزانہ کو اپنے پیش کردہ فنانس بل کے مسودہ مین ترمیم کرنا پڑی اور آج شام پرائم منسٹر ہاأس میں ہونے والے کابینہ کے خصوصی اجلاس مین وفاقی حکومت کے تمام اداروں کے ملازمین کی تنخواہیں دس فیصد کرنے کا فیصلہ کر لیا گیا۔
سرکاری زرائع کا کہنا ہے کہ موجودہ صورتحال میں جب صرف ایک ماہ پہلے پاکستان نے جدید وار فئیر ہسٹری کی سب سے خطرناک جنگ لڑی ہے اورملک کو سرحدوں پر جنگ جیسی صورتحال درپیش ہے، ملک کی معیشت تنخواہوں میں دس فیصد اضافہ کی بمشکل متحمل ہو سکتی ہے۔ اس ڈرامائی فیصلہ کے بعد وفاقی حکومت کو اپنے بہت سے اخراجات میں بچت کی سخت پالیسی اپنانا ہو گی۔
وزیراعظم نے سرکاری ملازمین کیلئے بڑے ریلیف کا اعلان کرتے ہوئے تنخواہوں میں 10 فیصد اضافے کی منظوری دے دی ہے۔
ذرائع کنے یاد دلایا کہ آج شام کابینہ کے خصوصی اجلاس میں وزارت خزانہ نے تنخواہوں میں 6 فیصد اضافے کی تجویز پیش کی تھی۔ وزیراعظم نے 6 فیصد اضافے کی تجویز مسترد کرتے ہوئے تنخواہوں میں 10 فیصد اضافہ کردیا ۔ وزیراعظم نے کہاکہ سرکاری ملازمین کی تنخواہوں میں 10 فیصد اضافہ ہونا چاہئے ۔ اس اقدام کے باقی نتائج کو ہم خود سنبھال لیں گے۔
علاوہ ازیں پینشن میں 7 فیصد اضافے کی بھی منظوری دے دی گئی ہے۔
June 06, 2026
June 06, 2026
ویب ڈیسک : نئے مالی سال میں دفاع کیلئے 2550ارب روپے مختص کیے جانے کا امکان ہے۔
ذرائع کے مطابق نئے مالی سال میں دفاعی بجٹ 20 فیصد اضافے سے 2550 ارب روپے تک پہنچنے کا امکان ہے۔ بجٹ سے تینوں مسلح افواج اور انٹرسروسز اداروں کیلئے متناسب حصہ رکھا جائے گا۔
ذرائع نے بتایا کہ نئے مالی سال کیلئے دفاعی بجٹ میں اضافے کا تخمینہ 20 فیصد تک ہوسکتا ہے۔ رواں مالی سال کیلئے دفاعی بجٹ کی مد میں 2122ارب روپے مختص کیے گئے تھے اور بجٹ مجموعی طور پر جی ڈی پی کا 1.71 فیصد ہے۔ اس کے علاوہ رواں مالی سال کیلئے دفاعی بجٹ میں گزشتہ سال کے مقابلے میں 17 فیصد اضافہ کیا گیا تھا جبکہ گزشتہ مالی سال کیلئے دفاعی بجٹ کی مد میں 1854ارب روپے خرچ کئے گئے تھے۔
(ویب ڈیسک)آج پیش ہونے والے وفاقی بجٹ میں سالانہ ٹیکس فری آمدن کی حد 6 لاکھ سے بڑھانے اورتمام سلیبز پر انکم ٹیکس کی شرح میں کمی کی تجویززیرغور ہے۔
ذرائع کے مطابق انکم ٹیکس ایکٹ کی شق 129 میں ترمیم زیر غور ہے، جس کے مطابق سالانہ ٹیکس فری آمدن کی حد 6 لاکھ سے بڑھائی جا سکتی ہے جبکہ ماہانہ 83 ہزار روپے تنخواہ تک ٹیکس فری کرنے کی تجویزبھی زیرغور ہے۔
ذرائع نے بتایا کہ ایک لاکھ روپے ماہانہ تنخواہ پر ٹیکس 5 فیصد سے کم ہو کر 2.5 فیصد ہونے کا امکان ہے، ایک لاکھ 83 ہزار روپے پر انکم ٹیکس 15 سے کم ہوکر 12.5 فیصد کرنے کی تجویز ہے جبکہ 2 لاکھ 67 ہزار ماہانہ تنخواہ پر انکم ٹیکس 25 کے بجائے 22.5 فیصد ہو سکتا ہے۔
ذرائع کے مطابق تین لاکھ 33 ہزار روپے تک تنخواہ پر ٹیکس 30 کے بجائے 27.5 فیصد ہو سکتا ہے،اس کے علاوہ تین لاکھ 33 ہزار سے زائد تنخواہ پر ٹیکس 32.5 فیصد ہو سکتا ہے۔
June 06, 2026
June 06, 2026
سٹی 42 : وفاقی حکومت بجٹ 26-2025ء میں نیشنل ٹیرف پالیسی کے تحت پرانی گاڑیاں سستی کرنے پر غور کررہی ہے۔
حکومت نے آئی ایم ایف کو پرانی گاڑیوں کی درآمد پر ٹیکسز کم کرنے کی تجویز دے دی۔ ذرائع کا کہنا ہے کہ آئندہ بجٹ میں 5 سال پرانی گاڑیوں کی درآمد اور گاڑیوں پر ایڈیشنل کسٹمز ڈیوٹی مرحلہ وار ختم کرنے کی تجویز پیش کی گئی ہے۔ اس کے علاوہ گاڑیوں پر ریگولیٹری ڈیوٹیز میں بھی کمی کرنے کی سفارش کی گئی ہے۔
ذرائع کا کہنا ہے کہ کسٹمز ایکٹ کے پانچویں شیڈول میں اصلاحات کی تجویز اور آٹو سیکٹر پر نئی ریگولیٹری ڈیوٹیز لاگو نہ کرنے کی سفارش کی گئی ہے۔ اس کے علاوہ پرانی گاڑیوں پر ٹیرف سالانہ 10 فیصد کم کرنے کی تجویز اور آٹو سیکٹر پر نان ٹیرف رکاوٹوں کو ختم کرنے کی جبکہ 2030 تک آٹو سیکٹر پر اوسط ٹیرف 6 فیصد سے کم کرنے کی سفارش کی گئی ہے۔
ویب ڈیسک: آئندہ مالی سال 26-2025 کے وفاقی بجٹ میں بینک ڈیپازٹس، بچت اسکیموں، نان فائلرز اور ای کامرس سمیت مختلف شعبوں پر ٹیکسوں میں اضافے کی تجاویز پر غور کیا جا رہا ہے۔
ذرائع کے مطابق ودہولڈنگ ٹیکس کی شرح 0.6 فیصد سے بڑھ کر 1.2 فیصد متوقع ہے،اس کے علاوہ یومیہ 50 ہزار سے زیادہ رقم نکلوانے پر اضافی ٹیکس کی بھی تجویز ہے۔
پیٹرول اور ڈیزل سے چلنے والی گاڑیوں پر لیوی لگانے کی بھی تجویز ہے، کیپٹل گین اور منافع پر بھی ٹیکس میں اضافے کی تجویز ہے، بجٹ میں سپر ٹیکس کی شرح میں کمی کی تجویز زیرغور ہے،اس کے علاوہ ای کامرس پر بھی 18 فیصد ٹیکس لگانے کی تجویز ہے۔
ذرائع کے مطابق ان تجاویز پر حتمی فیصلہ وزیراعظم شہباز شریف کی زیر صدارت وفاقی کابینہ کے اجلاس میں کیا جائے گا، جس کے بعد بجٹ کو حتمی شکل دی جائے گی۔
June 06, 2026
June 06, 2026
ویب ڈیسک: مالی سال 26-2025 کے بجٹ میں سرکاری ملازمین کی تنخواہوں میں اضافے سے متعلق حتمی فیصلہ آج وفاقی کابینہ کے اجلاس میں کیا جائے گا۔
ذرائع وزارت خزانہ کے مطابق بجٹ میں تنخواہ دارطبقے کو ریلیف دینے کے لیے چار مختلف تجاویز زیرغور ہیں،تاہم ابھی تک کسی تجویز کو حتمی شکل نہیں دی گئی،ایک اہم تجویزکے تحت گریڈ ایک سے 16 تک کے ملازمین کو 30 فیصد ڈسپیئرٹی الاؤنس دینے کی تجویز دی گئی ہے۔
دوسری تجویزکے مطابق مہنگائی کے تناسب سے تمام سرکاری ملازمین کی تنخواہوں میں 10 فیصد اضافے کی سفارش کی گئی ہے،ایک اورتجویزکے مطابق گزشتہ دو ایڈہاک ریلیف الاؤنسز میں سے ایک کو بنیادی تنخواہ میں ضم کرنے کی بھی سفارش کی گئی ہے،اس کے ساتھ ساتھ گریڈ 17 سے 22 تک کے افسران کے لیے تنخواہوں میں 15 فیصد اضافے کی الگ تجویز بھی تیار کی گئی ہے۔
ذرائع کے مطابق ان تجاویز پر مشاورت کے بعد ورکنگ پیپر تیار کر لیا گیا ہے، جو آج کابینہ اجلاس میں پیش کیا جائے گا، وزیراعظم شہباز شریف تنخواہ دار طبقے کو زیادہ سے زیادہ ریلیف دینے کے خواہاں ہیں، جبکہ حکومتی اتحادی جماعتوں کی جانب سے بھی ملازمین کو رعایت دینے کے لیے مثبت مشورے دیئے گئے ہیں۔
دوسری جانب آرمڈ فورسز کے لیے متعارف کروائی جانے والی کنٹری بیوٹری پنشن سکیم پر عملدرآمد مؤخر ہوتا دکھائی دے رہا ہے، ذرائع کے مطابق یکم جولائی سے نافذ کی جانی والی اس سکیم کا اسٹرکچر تاحال مکمل طور پر تیار نہیں ہو سکا، جس کے باعث آرمڈ فورسز کو اس سکیم سے مستثنیٰ دیئے جانے کا امکان ہے۔
وفاقی کابینہ آج اجلاس میں تنخواہوں میں اضافے، ایڈہاک ضم کرنے اور پنشن سکیم جیسے اہم معاملات پر حتمی فیصلہ کرے گی جس کے بعد بجٹ دستاویزات کو حتمی شکل دی جائے گی۔
ویب ڈیسک: نئے بجٹ میں 2 ہزار ارب روپے کے نئے ٹیکسز عائد کیے جانے کا امکان ہے جب کہ یوٹیوبرز اور فری لانسرز کو بھی ٹیکس نیٹ میں شامل کیے جانے کی تجویز ہے۔
ذرائع کے مطابق نئے مالی سال کے بجٹ میں 2 ہزار ارب روپے کے نئے ٹیکس عائد کیے جانے کا امکان ہے
دوسری طرف تمام شعبوں میں دیا گیا ٹیکس استثنا ختم کرنے کی تجویز بھی زیر غور ہے۔
گریڈ ایک تا 16 کے سرکاری ملازمین کو 30 فیصد ڈسپیرٹی الاؤنس دینے اور پنشنرز کے لیے بھی 10 فیصد اضافے کی تجویز بجٹ میں شامل ہے۔
پنشن کی مد میں 1 ہزار 55 ارب روپے مختص کیے جانے کا امکان ہے۔
یوٹیوبرز، فری لانسرز اور نان فائلرز کے لیے ٹیکس اقدامات متعارف کرانے کی تجویز ہے۔
ریٹیلرز پر ٹیکس وصولی کو بھی مزید سخت کرنے کا فیصلہ کیا گیا ہے۔
نان فائلرز پر جی ایس ٹی 20 فیصد کیے جانے اور بینک سے 50 ہزار روپے سے زیادہ کیش نکلوانے پر ٹیکس کی شرح 0.6 فیصد سے بڑھا کر 1.2 فیصد کیے جانے کی تجویز دی گئی ہے۔
ذرائع کا کہنا ہے کہ بجٹ کی تیاری کے دوران آئی ایم ایف کے ساتھ ہونے والے مذاکرات کو بھی مدنظر رکھا گیا ہے۔
June 06, 2026
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025