(روزینہ علی)جمعہ کے روز موسم کی   صورتحال،اسلام آباد میں تیز ہواؤں اور گرج چمک کے ساتھ  بارش کا امکان ہے ۔

 محکمہ موسمیات کے مطابق پنجاب کے بیشتر اضلاع میں موسم گرم اور مرطوب رہے گا  تاہم سیالکوٹ، نارووال ، شکر گڑھ، لاہور، گوجرانوالہ،  گجرات ،میں تیز ہواؤں اور گرج چمک کے ساتھ بارش  کا امکان ہے۔

خیبرپختونخوا کے بیشتر اضلاع میں بھی موسم گرم اور مرطوب  رہے گا، ایبٹ آباد ، بالاکوٹ،مالاکنڈ ،  پشاور، مردان، صوابی اور نوشہرہ  ، منڈی بہاؤالدین، راولپنڈی، اٹک، جہلم ،چکوال، مری  اورگلیات میں تیز ہواؤں اور گرج چمک کے ساتھ بارش  کا امکان ہے۔

بلوچستان کے بیشتر اضلاع میں موسم گرم اور مرطوب رہے گا، سندھ کے بیشتر اضلاع میں آندھی گرد آلود ہوائیں چلنے کا امکان ہے ،ساحلی علاقوں میں  بوندا باندی ہلکی بارش کی بھی توقع ہے ، کشمیر میں  چند مقامات پرتیز ہواؤں اور گرج چمک کےساتھ بارش   کا امکان ہے ، گلگت بلتستان میں مطلع جزوی ابر آلود رہے گا۔