(زین مدنی )معروف گلوکار، اداکار و میزبان فخر عالم کا کہنا ہے کہ جب تک ہم سیاسی تعصب کو ترک نہیں کریں گے تب تک ہم کورونا وائرس سے لڑنہیں سکیں گے۔
گزشتہ روز پاکستان شوبز انڈسٹری سے تعلق رکھنے والے معروف گلوکار، اداکار و میزبان نے مائیکرو بلاگنگ پر ٹوئٹ کرتے ہوئے لکھا کہ یہ بات 10 مارچ کی ہے جب پاکستان سپر لیگ کا سیزن فائیو جاری تھا اور کسی نے بھی یہ نہیں سوچا تھا کہ یہ سب ہوگا جو کچھ آج ہورہا ہے اور ہم یہاں آکر رک جائیں گے جہاں ہم آج کھڑے ہیں۔
فخر عالم نے لکھا کہ مجھے اب بھی یہ خوف ہے کہ یہ ہماری پوری قوم کے لیے ایک حتمی امتحان ثابت ہوسکتا ہے۔ انہوں نے لکھا کہ جب تک ہم سب اپنے درمیان سے اِس سیاسی تعصب اور نفرت انگیزی کو ترک نہیں کریں گے تب تک ہم اِس قابل نہیں ہوسکیں گے کہ ہم پاکستان سے کورونا وائرس کا خاتمہ کرسکیں۔
Said this on 10th March when HBLPSL was still going on & no one imagined we will be here where we are today.I still fear this will be the ultimate test for our entire nation & unless we abandon political bias & egos we will not be able to fight this together. #CoronaInPakistan https://t.co/K0utZ021yt
— Fakhr-e-Alam (@falamb3) April 8, 2020
فخر عالم نے اپنے ایک اور ٹوئٹ میں لکھا کہ کچھ لوگوں کا یہ خیال ہے کہ ایک دن جب وہ صبح اٹھیں گے تو پوری دنیا سے وبائی امراض کا خاتمہ ہوجائے گا۔ انہوں نے سوالیہ انداز میں لکھا کہ کیا ہمارے پاس راتوں رات کوئی ایسی ویکسین بن جائے گی جو کورونا وائرس کو ختم کردے گی اور یہ ویکسین کیا سب کے لیے فوری طور پر دستیاب ہوگی؟
Some folks think that one fine day they will wake up and the #CoronavirusPandemic will be over. That the virus would have been eliminated or we would have a cure/vaccine available globally over night & it will be available to everyone immediately. Are you one of them?
— Fakhr-e-Alam (@falamb3) April 8, 2020