ملک اشرف : سانحہ 9 مئی کے مقدمات میں سزا پانیوالے مجرم کی اپیل، ہائیکورٹ میں جج کی رخصت کے باعث غلام خان کی اپیلوں پر سماعت نہ ہوسکی۔
جسٹس سید شہباز علی رضوی کے رخصت پر ہونے کے باعث کیس کی سماعت کیلئےجاری کاز لسٹ منسوخ کردی گئی۔یہ اپیلیں جسٹس سید شہباز علی رضوی اور جسٹس طارق محمود باجوہ پر مشتمل ڈویژن بینچ نے سننی تھیں۔ نئی تاریخ کا اعلان بعد میں کیا جائے گا۔
غلام خان کو انسدادِ دہشت گردی کی عدالت نے سانحہ 9 مئی میں ملوث ہونے پر متعدد مقدمات میں سزائیں سنائی تھیں۔ ان سزاؤں کیخلاف غلام خان نے ہائیکورٹ میں اپیلیں دائر کر رکھی ہیں۔