ویب ڈیسک:پاکستان کے معروف کامیڈین، انفلوئنسر و اداکار مومن ثاقب نے وائرل شخصیت ’ لاہور دا پاوا، اختر لاوا‘ سے ملاقات کی ہے۔
مومن ثاقب کی پھرتیلی طبیعت سے تو ہر کوئی واقف ہے، وہ خود بھی ایک انٹرنیٹ سینسیشن رہ چکے ہیں، مومن ماضی میں پاکستان کے ہارنے پر بطور مداح اپنے منفرد انداز میں ٹیم پر تنقید کرنے کے سبب ہی انٹرنیٹ پر وائرل ہوئے تھے۔
اب مومن نے اپنی پھرتیلی طبیعت سے ملتی جلتی شخصیت، ’ اختر لاوا‘ سے ملاقات کی ہے۔
View this post on Instagram
مومن ثاقب نے اپنے سوشل میڈیا اکاؤنٹ انسٹاگرام پر ’ اختر لاوا‘ سے ملاقات اور ملاقات کے دوران کیمرے کے پیچھے عکس بند کیے گئے مناظر مداحوں کے ساتھ شیئر کیے ہیں۔
View this post on Instagram
مومن کا اپنی ایک ویڈیو پر لکھنا ہے کہ اختر لاوا اب صرف لاہور کے ’پاوا‘ نہیں بلکہ پورے پاکستان کے ’پاوا‘ بن گئے ہیں جبکہ دوسری ویڈیو میں انہوں نے ملاقات کے دوران ’ اختر لاوا‘ کا انداز کاپی کرتے ہوئے کی ویڈیو شیئر کی ہے۔ مومن ثاقب کا اختر لاوا کے لیے کہنا ہے کہ ’ اختر لاوا ایک بہت ہی نرم مزاج شخصیت ہیں، اللّٰہ تعالیٰ اِنہیں صحت و تندرستی والی زندگی دے۔
خیال رہے اختر لاوا کی ویڈیوز اس وقت سوشل میڈیا پردھوم مچارکھی ہے۔جس پر ہزاروں لوگ ویڈیوز بناکرشئیرکررہے ہیں۔