سٹی42:   شام میں جہادی حکومت کے فوجی علوی قبیلہ کے سینکڑوں افراد کا قتل عام کر رہے ہیں  اور جہادی ڈیفیکٹو حکومت کے حامی قطری نیوز چینل الجزیرہ کی جانب سے اس قتل عام کو مسلسل بشار الاسد کے حامیوں کی حکومتی سکیورٹی فورسز کے  ساتھ "جنگ" کی حیثیت سے رپورٹ کر رہا ہے۔ 

شام کے شمال مغربی علاقوں میں بشار الاسد کے  علوی قبیلہ سے تعلق رکھنے والے شہریوں پر جہادی ڈیفیکٹو حکومت کی سکیورٹی فورسز کا کریک ڈاؤن ہفتہ کے روز بھی جاری رہا اور سیکڑوں افراد ہلاک ہو چکے ہیں، جن میں الجزیرہ نیوز کی رپورٹ میں تسلیم کیا گیا کہ مرنے والوں میں  زیادہ تر عام شہری ہیں۔
الجزیرہ نیوز نے بتایا کہ شام میں ہمارے ساتھیوں کی رپورٹ کے مطابق، حکومتی فورسز کا مکمل کنٹرول لاذقیہ، بنیاس، جبلہ اور طرطوس کے شہروں کے مراکز پر ہے، جہاں جمعرات سے شدید جھڑپیں ہو رہی ہیں۔
تاہم، صورتحال بدستور تشویشناک ہے کیونکہ لڑائی اب خطے کے پہاڑی علاقوں پر مرکوز ہونے کی توقع ہے۔
شہریوں کے مارے جانے (قتل عام)  کی فوٹیج اس وقت سامنے آ رہی ہے جب حکومت ذمہ داروں کا احتساب کرنے کا وعدہ کر رہی ہے۔
قطر کو شام میں دمشق اور بیشتر علاقوں پر دسمبر 2024 سے قابض جہادی گروہوں کی ڈیفیکٹو حکومت کے بارے مین عام تاثر یہ ہے کہ اسے قطر کی حمایت حاصل ہے۔ قطر کے الجزیرہ نیوز نے شام مین علوی اقلیت کی آبادی والے علاقوں میں عام شہریوں کے قتل عام کی خبروں کو پلے ڈاؤن کرتے ہوئے اپنی رپورٹ مین لکھا،  دسمبر میں اقتدار سنبھالنے کے بعد سے یہ تشدد شام کی نئی حکومت کے لیے سب سے سنگین چیلنج ہے۔

علوی فرقہ کےپانچ سو سے زیادہ سویلین مارے گئے

300 سے زیادہ علوی شہری مارے گئے جب شامی حکومتی فورسز نے "بشار الاسد اسد حکومت کے وفاداروں" کی مبینہ "بغاوت" کو پرتشدد طریقے سے کچل ڈالا ہے۔
شامی حکومت علوی ک قبیلہ کے رہائشی ساحلی علاقوں میں مسلح افراد کی مزید بڑی کمک بھیج رہی ہے۔

شامی فوج 7 مارچ 2025 کو شام کے معزول رہنما بشار الاسد سے منسلک جنگجوؤں کے خلاف لڑنے کے لیے بھاری ہتھیاروں کے ساتھ لاذقیہ کے دیہی علاقوں اور شامی ساحل کے دیہات کی طرف بڑھ رہی ہے۔

شام کے ساحلی صوبوں میں جمعرات اور جمعہ کو ہونے والی پرتشدد جھڑپوں کے دوران سینکڑوں علوی شہریوں سمیت 500 سے زائد افراد ہلاک ہو گئے، جب کہ مختلف رپورٹوں کے مطابق، نئی حکومت کی افواج نے معزول حکومت کے حامیوں کی جانب سے مبینہ بغاوت کو کچل دیا۔

سیریئن آبزرویٹری فار ہیومن رائٹس (SOHR)_ شام میں ذرائع کے ساتھ برطانیہ میں قائم ایک ایجنسی نے ہفتے کے روز اطلاع دی ہے کہ "ساحلی علاقے میں 311 علوی شہری… ڈیفیکٹو حکومت کی سیکورٹی فورسز اور اتحادی گروپوں کے ہاتھوں جمعرات سے مارے گئے"۔

ہفتے کی صبح تک، شام کی صورتحال انتہائی غیر مستحکم رہی، اطلاعات کے مطابق ہزاروں سرکاری فوجیوں کو بشار الاسد کے وفاداروں کا  صفایا کرنے کے لیے ساحلی علاقوں میں روانہ کیا گیا تھا۔ کئی شہروں میں اندھا دھند قتل کیا گیا اور  کرفیو لگا دیا گیا۔

سوشل میڈیا پر ویڈیو فوٹیج سے پتہ چلتا ہے کہ آنے والے فوجیوں کے ذریعہ شہریوں کو پکڑا گیا، ان کے ساتھ بدسلوکی کی گئی اور انہیں حراست کے دوران  قتل کیا گیا۔ نام نہاد بغاوت کو کچلنے کے لئے آنے والوں  میں سے بہت سے لوگ حال ہی میں انتہا پسند اسلام پسند دہشت گرد گروپوں کے رکن تھے۔

 فورسز کی طرف سے قتل عام کی خبریں بڑے پیمانے پر گردش کر رہی تھیں لیکن فوری طور پر ان کی تصدیق نہیں ہو سکی۔

ایس او ایچ آر نے کہا کہ ہفتے کے روز مجموعی طور پر مرنے والوں کی تعداد بڑھ کر 524 ہو گئی، جن میں 213 سکیورٹی اہلکار اور عسکریت پسند شامل ہیں۔ ایک دن پہلے، ایجنسی نے کہا تھا کہ 52 علوی مردوں کو سرکاری فورسز نے "لطاکیہ کے علاقے الشیر اور المختاریہ کے علاقوں میں" موت کے گھاٹ اتار دیا تھا۔

رپورٹ سوشل میڈیا ویڈیو فوٹیج کے ساتھ ساتھ متاثرین کے اہل خانہ کی شہادتوں پر مبنی تھی۔

نیوز سائٹ الم مانیٹر نے لطاکیہ کے ایک سیکورٹی اہلکار مصطفیٰ کنیفاتی کا حوالہ دیا، جس نے کہا کہ جھڑپیں اس وقت شروع ہوئیں جب جبلیہ کے علاقے میں "اسد ملیشیا کی باقیات کے متعدد گروپوں" کی طرف سے "منصوبہ بند اور پہلے سے سوچے سمجھے حملے" میں ان کی فورسز پر گھات لگا کر حملہ کیا۔

SOHR کے ڈائریکٹر رامی عبدالرحمان نے جمعے کو کہا کہ جب علاقے کے شہر بشمول طرطوس، لطاکیہ، جبلہ اور بنیاس نئی حکومت کے کنٹرول میں تھے، بشار الاسد کی سابق حکومت کی وفادار مسلح ملیشیا دیہی علاقوں میں سرگرم رہی۔

سوشل میڈیا پر یہ بھی بتایا گیا کہ جہادی حکومت کے  فوجی آپریشن کا محکمہسابق صدر حافظ الاسد اور بشار الاسد کے آبائی شہر قردہہ کی طرف پیش قدمی کر رہا ہے۔ وہ اسد کی طرف سے انہیں روکنے کی کوشش کے درمیان سڑک صاف کر رہے ہیں۔
یہ دعویٰ کیا گیا کہ شورش کے لیے موزوں ٹپوگرافی کی وجہ سے وہاں شدید مزاحمت متوقع ہے۔
جمعہ کی صبح شام کی خبر رساں ایجنسی SANA نے فوٹیج شائع کی جس میں کمک کے قافلے لطاکیہ اور طرطوس کے علاقوں کی طرف جاتے ہوئے دکھائے گئے جب وزارت داخلہ نے شہریوں سے کہا کہ "فوجی سرگرمیوں کے علاقوں سے دور رہیں تاکہ یہ کام خصوصی دستوں پر چھوڑ دیا جائے۔"

الجزیرہ کے مطابق، "بغاوت کی ایک اہم شخصیت"  جنرل غیاث دلا شامی فوج کے 4ویں ڈویژن کے سابق کمانڈر ہیں، شامی فوج کی اس بریگیڈ کی الجزیرہ نیوز کے مطابق  قیادت  بشار الاسد کے بھائی مہر الاسد کر رہے تھے۔

دلا کے مبینہ طور پر ایرانی حکومت کے ساتھ گہرے تعلقات ہیں، اور "ملٹری کونسل فار دی لبریشن آف سیریا" جس کا اس نے جمعرات کو اعلان کیا، مبینہ طور پر حزب اللہ اور عراقی ملیشیا کی حمایت کر رہی ہے۔

شام کی SANA نیوز  کے مطابق، ( علوی قبیلہ کے)باغیوں کے ایک اور رہنما، سابق جنرل ابراہیم ہوویجہ کو جبلہ میں گرفتار کیا گیا۔ رپورٹ میں کہا گیا ہے کہ "اس پر مجرم حافظ الاسد کے دور میں سینکڑوں قتل کا الزام ہے۔"

قتل عام کی خبریں اور بصری شواہد سوشل میڈیا پر پھیلنے کے بعد جہادی ڈیفیکٹو حکومت کے حامیوں کی طرف سے یہ جواز پیش کئے گئے کہ "بشار الاسد کی وفادار افواج" نے کئی واقعات میں علوی شہریوں کو انسانی ڈھال کے طور پر استعمال کرنے کی کوشش کی، جس کا مقصد نئی حکومت کے خلاف وسیع تر علوی بغاوت کو بھڑکانا تھا۔

اس حکومت کی قیادت ایک سابق القاعدہ گروپ سے الگ ہونے والے جہادی کمانڈر احمد الشعرا کر رہے ہیں، جو ابو محمد الجولانی کے نام سے مشہور ہیں اور داعش اور القاعدہ کے سابق دہشت گرد ہیں، جنہوں نے گزشتہ ماہ خود کو شام کا عارضی صدر قرار دیا تھا۔

غیر مصدقہ رپورٹس میں بتایا گیا ہے کہ الشعرا کی حکومتی فورسز، جن میں تحلیل شدہ اسلام پسند دہشت گرد گروپوں کے بہت سے سابق ارکان شامل ہیں، نے ملک کے دیگر علاقوں سے ساحلی صوبوں کی طرف بھاگنے کے بعد درجنوں شہریوں کو پکڑ کر ہلاک کر دیا ہے۔

دوسری طرف، باغیوں پر عام شہریوں اور سرکاری فوجیوں کو سمری پھانسی دینے کا بھی الزام تھا۔

علوی قبیلہ کا احتجاج, روسی فوج سے مداخلت کی درخواست

علوی رہنماؤں نے یہ دعویٰ کرنے کے بعد احتجاج کی کال دی کہ "لڑائی" کے دوران سرکاری ہیلی کاپٹروں نے شہری علاقوں پر فائرنگ کی۔ فوٹیج میں دکھایا گیا ہے کہ علوی شہری روسی حمیمیم ایئربیس کے باہر جمع ہو رہے ہیں، جو جابلہ کے قریب واقع ہے، یہ مطالبہ کرنے کے لیے کہ روسی فوجی نئی حکومت کی افواج کے خلاف ان کی حفاظت کریں۔

اس ہفتے کی بڑھتی ہوئی کشیدگی کئی مہینوں کی بڑھتی ہوئی کشیدگی کے بعد انتہا تک پہنچی، جس میں حکومت کی افواج اور اسد حکومت کے سابق ارکان کے ساتھ ساتھ باقی وفاداروں کے درمیان مقامی جھڑپیں بھی شامل ہیں۔

شام کے ساحلی علاقوں میں بنیادی طور پر علوی آباد ہیں، ایک نسلی مذہبی گروہ جس نے اسد قبیلے کے لیے بنیادی طاقت کے اڈے کے طور پر کام کیا، جس کی ابتدا بھی اسی علاقے سے ہوتی ہے۔

مڈل ایسٹ انسٹی ٹیوٹ میں شام کے ماہر چارلس لِسٹر نے ???? پر لکھا کہ شام کی وزارت دفاع کے ایک سینئر اہلکار نے انہیں بتایا کہ جمعرات کے واقعات "ایک اہم موڑ" تھے، جس نے ملیشیا کے خلاف "زیادہ فیصلہ کن" کارروائیوں کا عزم کیا۔ ایک اور سرکاری اہلکار نے لسٹر کو بتایا کہ کارروائیوں میں "مہینے" لگ سکتے ہیں۔

الشعرا کی حکومت کی حمایت کے ایک اہم اشارے میں، سعودی عرب کی بادشاہت نے جمعہ کے روز "شام عرب جمہوریہ میں غیر قانونی گروہوں کی طرف سے کیے جانے والے جرائم اور سیکورٹی فورسز کو نشانہ بنانے کی مذمت" کا اظہار کیا اور "سلامتی اور استحکام کو برقرار رکھنے اور شہری امن کو برقرار رکھنے" کی کوششوں میں شام کی حکومت کی حمایت کرنے کا عزم کیا۔