فریحہ بتول:شہر میں پھل اور سبزیوں کی قیمتوں میں نمایاں اضافہ دیکھنے میں آ رہا ہے، جہاں اوپن مارکیٹ میں متعدد اشیا سرکاری نرخوں سے زائد قیمتوں پر فروخت کی جا رہی ہیں۔

شہریوں کے مطابق دکاندار اپنی مرضی کی قیمتیں وصول کر رہے ہیں، جبکہ انتظامیہ کی جانب سے مقرر کردہ نرخوں پر عمل درآمد نہیں ہو رہا۔

مارکیٹ ذرائع کے مطابق آم دوسہری کی سرکاری قیمت 230 روپے فی کلو مقرر ہے، تاہم اوپن مارکیٹ میں یہ 300 روپے فی کلو تک فروخت ہو رہا ہے۔ آلو بخارہ 430 روپے کے بجائے 520 روپے فی کلو، الیچی 645 روپے کے بجائے 750 روپے فی کلو میں فروخت کی جا رہی ہے۔

اسی طرح آڑو اسپیشل کی سرکاری قیمت 257 روپے فی کلو مقرر ہے، مگر مارکیٹ میں 350 روپے فی کلو فروخت ہو رہا ہے۔ کیلا درجہ اول 215 روپے فی درجن کے بجائے 250 روپے فی کلو تک فروخت کیا جا رہا ہے۔

جامن دیسی 180 کے بجائے 200 روپے فی کلو، خوبانی سفید 320 کے بجائے 400 روپے فی کلو میں دستیاب ہے۔

سبزیوں میں اروی کی سرکاری قیمت 100 روپے فی کلو مقرر ہے، جو اوپن مارکیٹ میں 130 روپے فی کلو فروخت ہو رہی ہے۔ ٹماٹر 180 کے بجائے 250 روپے فی کلو، پیاز 107 کے بجائے 150 روپے فی کلو میں فروخت کیا جا رہا ہے۔

شملہ مرچ کی سرکاری قیمت 200 روپے فی کلو ہے، جبکہ مارکیٹ میں 250 روپے فی کلو وصول کیے جا رہے ہیں۔ کریلا بھی 180 روپے کے سرکاری نرخ کے مقابلے میں 250 روپے فی کلو تک فروخت ہو رہا ہے۔

شہریوں نے مطالبہ کیا ہے کہ ضلعی انتظامیہ گراں فروشی کے خلاف کارروائی کرے اور سرکاری نرخ نامے پر عمل درآمد یقینی بنائے۔